15.9 C
Pontevedra
Mércores, 19 de Xaneiro de 2022
Máis
    HomeA ParadantaA CañizaO Plan ReacPon permite á Cañiza rehabilitar a súa piscina municipal

    O Plan ReacPon permite á Cañiza rehabilitar a súa piscina municipal

    As actuacións supoñen a mellora do indicador de emisións de CO2 e a redución do consumo de enerxía non renovable e nelas empregaranse materiais e sistemas que garantan a protección do medio ambiente

    A rehabilitación enerxética da piscina municipal da Cañiza está un paso máis preto de facerse realidade grazas á sinatura do convenio de confinanciación do Plan ReacPon por parte da presidenta provincial, Carmela Silva, e o alcalde, Luis Piña. A obra conta cun orzamento total de 689.048,95 euros dos que a Deputación aporta 551.239,16 euros.  Así, tralas actuacións, A Cañiza contará cunha infraestrutura deportiva en liña cos principios de sostibilidade marcados na Axenda 2030, unha actuación que, como dixo o alcalde, sería inviable para o Concello sen o apoio da institución provincial.

    A presidenta Carmela Silva gabou o proxecto que é “unha gran demanda da veciñanza e -deixou claro que- a Deputación está encantada de poder dar resposta con recursos extraordinarios para poder garantir a prestación deste servizo que é fundamental”. A presidenta destacou entre as actuacións a levar a cabo a mellora do indicador de emisións de CO2 “que é fundamental para loitar contra o dano que lle estamos facendo ao planeta”, e resaltou que están en liña “coa Axenda 2030 e cos fondos Next Generation que poñen en valor que se rehabiliten os equipamentos e dotacións existentes para que sexan enerxeticamente sostibles”. Carmela Silva felicitou ao alcalde por ter un “proxecto maduro que cumpría con todas as bases do ReacPon, que eran moi esixentes, e pola eficacia e eficiencia á hora de poñer en marcha a licitación. Isto amosa que o mundo local é unha administración con moita capacidade de xestionar, que entende de verdade os problemas da xente e que transforma as vilas, pobos e cidades”.

    A presidenta recordou que este plan extraordinario conta con “con criterios obxectivos e con bases ás que todo o mundo pode presentarse”. Neste senso, amosouse “particularmente desgustada” polo feito de que “onte o presidente da Xunta estivo firmando convenios exclusivamente con alcaldes do Partido Popular. Non hai dereito, os recursos públicos hai que levalos a todos os concellos con transparencia, todas e todos os alcaldes e alcaldesas teñen que ter as mesmas oportunidades e isto non está a acontecer coa Xunta de Galicia. Quero denuncialo porque esta forma de actuar é intolerable”. Carmela Silva adiantou que vai a “denunciar ante a FEGAMP e enviar unha carta á Xunta explicando que cando as e os alcaldes do BNG, PSdG ou independentes van a solicitar financiación á Xunta o presidente dilles que ‘se a Deputación pon a metade’ pero aos do PP non llo di, ao PP ponlle o 100% e non hai dereito”. E puxo enriba da mesa que existen “dúas formas diferentes de gobernar, unha con transparencia na que vivas onde vivas tes que ter dereitos e outra onde so se financia aos concellos da mesma liña política”.

    O alcalde da Cañiza, Luis Piña, cualificou á Deputación como unha “institución exemplar que trata a todas os concellos da provincia en igualdade de condicións dende un punto de vista obxectivo e de transparencia. É algo que estamos vivindo no día a día e está demostrado neste plan extraordinario, que son cartos a maiores do modélico Plan Concellos. Queda claro que hai dúas formas moi distintas de gobernar”. O alcalde valorou de forma excepcional o convenio do ReacPon que servirá para rehabilitar a piscina, un servizo moi pedido pola veciñanza” e que agora “afronta unha reforma en profundidade que xera unha nova piscina. Seremos capaces de volver a abrila e-engadiu- esta reforma vai a xerar un novo ciclo do servizo para os próximos 20 ou 30 anos”. Luis Piña lembrou que na súa chegada ao goberno en 2019 atopouse con “máis de 4,3 millóns da factura sen pagar e ante esta situación económica se non fose fundamentalmente polo Plan Concellos nos non poderíamos practicamente estar facendo ningún tipo de obra”.

    O proxecto

    Este proxecto busca a súa rehabilitación enerxética da piscina municipal da Cañiza coa mellora do indicador de emisións de CO2 e unha serie de actuacións que permitirán reducir o consumo de enerxía non renovable. Deste xeito, poñeranse en marcha paneis solares térmicos e mellorarase a envolvente térmica revestindo toda a fachada do edificio con mortero con illamento. Tamén se substituirá a caldeira actual de gasóleo por unha de biomasa de pellets así como o lucernario actual por paneis de policarbonato alveolar. Ademais, realizaranse outra serie de actuacións como a creación dunha sala de actividades dirixidas e dunha zona termal nova, a modificación da saída do vestiario masculino ou a eliminación de parte das gradas así como a redución da profundidade da piscina grande. Compre destacar que en toda a actuación os materiais e sistemas elixidos garanten a protección do medio ambiente e respectan a contorna inmediata do edificio municipal. Tamén van garantir unhas condicións axeitadas de salubridade e estanqueidade no ambiente interior do edificio.

    O Plan da Deputación ReacPon, dotado con 26,3 millóns de euros, beneficiará a 47 concellos da provincia de menos de 50.000 habitantes. Contou con bases esixentes e criterios obxectivos, aberto a proxectos maduros que contribúan a unha economía descarbonizada e á consecución dos obxectivos fixados na Axenda 2030 e nos fondos europeos. O programa suporá nestes concellos, ao longo do próximo ano e medio, a execución de ata 25 actuacións de mobilidade segura, tres novas bibliotecas, cinco reformas de casas consistoriais, cinco reformas de espazos culturais, a ampliación ecolóxica dun cemiterio, e oito novas infraestruturas deportivas.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS