8.7 C
Pontevedra
Xoves, 28 de Marzo de 2024
Máis
    HomeA ParadantaA CañizaO parque Uceira da Cañiza legalízase por completo

    O parque Uceira da Cañiza legalízase por completo

    O pasado 31 de outubro de 2022 publicouse do Diario Oficial de Galicia nº 207  o ANUNCIO da aprobación definitiva do proxecto de expropiación para a execución da modificación puntual do Plan xeral de ordenación municipal da Cañiza no ámbito do antigo mercado de gando. No DOGA anunciouse que o Concello, no Pleno do 29/09/2022, aprobou definitivamente o proxecto de expropiación, polo procedemento de taxación conxunta, declarando expresamente a utilidade pública deste proxecto. O anuncio tamén se publica aos efectos de legal notificación para todas aquelas persoas que poidan resultar descoñecidas e teñan intereses nestes terreos.

    Con esta publicación está a piques de rematar un dos procedementos de maior complexidade do Concello.

    Un expediente de modificación puntual do PXOM (Plan Xeral de Ordenación Municipal do Concello da Cañiza) na zona do Antigo Mercado do Gando, no que xa teñen actividade varias empresas, que para a súa legalización e modificación precisaba de varias actuacións vinculantes:  a adquisición dos terreos e a redacción dun proxecto para esta área empresarial.

    Antecedentes

    O proxecto global do parque Uceira xa existía e no seu día, en anteriores mandatos, se fixeron determinadas modificacións urbanísticas. Con todo, estas modificacións quedaron sen efecto porque non se podían legalizar ata que os terreos estiveran totalmente urbanizados e quedara legalizado todo o xa construido.

    Para conseguir esta legalización tiveron que iniciarse dous procedementos paralelos: arrancar de novo  o expediente de expropiación dos terreos, aproveitando todo o traballo xa desenvolvido con anterioridade e que era convalidable e desenvolver o proxecto de legalización.

    Desde o Concello contrátase á empresa R.P.SALNÉS para redactar o proxecto «EXPEDIENTE DE LEGALIZACIÓN DE LA URBANIZACIÓN DEL ANTIGUO MERCADO Y OBRAS COMPLEMENTARIAS», con entrada no Rexistro da Sede Electrónica o 13 de xuño deste ano.

    Para financiar o investimento do proxecto, un total de  110.397,50 €  conseguiuse unha subvención da Xunta de Galicia, a través da Consellería de Industria, dentro do Plan de axudas dirixidas á habilitación e mellora de infraestruturas dos parques empresariais de Galicia  de 80.574,00 €, para a pavimentacion parcial das rúas e sinalización viaria co obxecto de mellorar a infraestrutura viaria. Tamén se conseguiu outra subvención da Deputación de Pontevedra, a través da Liña 1 do Plan Concellos 2021, de 22.109.83 € e os 7.713,67 € restantes fináncianse dende o Concello con fondos propios.

    Novo trámite de expropiación

    En paralelo iníciase de novo a expropiación dos terreos, xa que o expediente anterior estaba caducado, ademáis de contar con importantes defectos na tramitación como NON DISPOR da DECLARACIÓN DE PREVALENCIA DA UTILIDADE PÚBLICA sobre o interese social dos Montes Veciñais.

    O Concello solicita esta Declaración ante a  Dirección Xeral de Planificación e Ordenación Forestal da Consellería do Medio Rural da Xunta de Galicia, que é o órgano competente para outorgar esta prevalencia. O pasado 5 de agosto o Concello recibe a AUTORIZACIÓN FAVORABLE. Unha Declaración de Prevalencia da Utilidade Pública sobre o interese social dos Montes Veciñais  dos Gomez e de Paredes nunha superficie de 13.237 m3, pertencente á CMVC de Os Gomez e nunha superficie de 7.481 m2 pertencente a CMVMC de Paredes, para a expropiación do Antigo Mercado do Gando, actual parque empresarial debido á modificación puntual do PXOM.

    A continuación o expediente pasa a exposición pública para que todos o interesados poideran realizar as alegacións oportunas. Rematado este período, aprobase no Pleno o procedemento e deposítase as cantidades económicas na conta de expropiacións.

    O expediente continúa coa entrega das Actas de ocupación e o inicio das obras de legalización da urbanización, previo anuncio da licitación das obras na Plataforma de Contratación do Sector Público e da solicitude das autorizacións sectoriais a Fomento do Goberno do Estado e Confederación Hidrográfica Miño- Sil que foron ambas favorables.

    A execución das obras foron adxudicadas o pasado 25 de outubro á empresa NAROM, aprobándose o contrato e a dirección e coordinación de seguridade e saúde.

    Visita do alcalde ás obras

    Segundo comunicou o alcalde Luis Piña esta mañá, despois de visitar as obras que rematarán nuns días «estas obras permitirán legalizar todo o parque empresarial, realizar novas ventas e o máis importante legalizar as instalacións existentes, talleres e pequenas empresas, que poderán legalizar as súas actividades e solicitar as correspondentes licenzas de actividade e tamén de aluguer».

    O Proxecto de Legalización da Urbanización do Antigo Mercado do Gando ten por obxecto por en orden legal un espazo urbanístico empresarial existente dende hai décadas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.