11.8 C
Pontevedra
Venres, 21 de Xuño de 2024
Máis
    HomeA ParadantaA CañizaO Goberno provincial rexeita a moción do PP sobre a reforma da...

    O Goberno provincial rexeita a moción do PP sobre a reforma da piscina da Cañiza

    O grupo socialista emendará no pleno a moción dos populares que Carlos Font definiu como “unha vergoña por parte do deputado que a presenta, que cando foi alcalde deixou ao concello afogado coa piscina”

    O goberno da Deputación de Pontevedra rexeitará no pleno deste venres a moción do grupo popular, en palabras do portavoz Carlos Font, na que solicita á institución provincial a firmar un convenio para acometer a reforma da piscina da Cañiza. Font cualificou de “vergoñenta” a actitude do deputado do PP que a presenta, “que cando foi alcalde da Cañiza fixo unha xestión intolerable coa piscina, unha dotación que se realizara anos antes sen ni sequera estudios de viabilidade, e que con el na alcaldía supuxo unha bola de neve de facturas impagadas e débedas que durmiron durante anos no caixón, deixando un concello afogado que herdou a actual corporación municipal”.

    De feito, o grupo socialista presenta unha emenda, “para tentar salvar o pouco que se pode salvar desta moción, dixo Carlos Font, aínda que o mellor que podería pasar é que o PP a retirara”. Na emenda, lembran ao Partido Popular que a Deputación ten un modelo regrado de distribución de recursos aos concellos, con criterios obxectivos e que, polo tanto, ”se o PP considera prioritaria a reforma da piscina”.

    Font cualificou de “hipócrita” a actitude do entón alcalde, hoxe deputado, “que cando o PP gobernaba na Deputación non fixo unha soa petición para arranxar a piscina”. O portavoz lembrou os números, “moito máis que vermellos nos que Domínguez deixou ao concello da Cañiza con máis de 4 millóns de euros en facturas sen pagar”, e recordou que a piscina non parou de xerar perdas nos 8 anos no que o foi alcalde, perdas que alcanzaron case o millón e medio de euros nos nove anos anteriores á pandemia ata o peche da instalación en 2020.

    Carlos Font criticou tamén que “esta mesma moción xa a presentou e foi rexeitada no concello da Cañiza, onde Domínguez é oposición, que é onde teñen que tratarse as prioridades dos concellos”.

    O deputado rematou lembrando os investimentos do actual goberno da Deputación na Cañiza, un total de 6,8 millóns de euros, que supón a maior inversión provincial na vila de toda a historia, na liña da institución que é líder entre as Deputacións de todo o estado en transferencia de recursos aos municipios. Tamén destacou os números do Plan Concellos coa vila do Condado. “Case 2,8 millóns de euros aos que hai que engadir os proxectos do Plan de Reequilibrio e do Plan  DepoRemse. E todo regrado e obxectivo, con cero euros de libre disposición”, rematou.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.