O alcalde da Cañiza, Luis Piña, reuniuse onte na Subdelegación do Goberno en Pontevedra, co xefe de Demarcación de Estradas do Estado en Galicia, Angel González; co cefe da Unidade de Estradas en Pontevedra, Pablo Domínguez e coa subdelegada do Goberno, Mayca Larriba, a fin de transmitirlles a súa preocupación polo estado da N-120 ao seu paso polo termo municipal.
O pasado 4 de maio, o alcalde notificou oficialmente ao secretario de Estado de Infraestructuras Sergio Vázquez, á Demarcación de Carreteras del Estado en Galicia e en Pontevedra e a Delegación do Goberno de España en Galicia e Subdelegación de Pontevedra, do estado no que quedou o firme da estrada Nacional 120 na súa travesía polo casco urbano da Cañiza con motivo do peche do túnel da A-52 Rías Baixas en sentido Vigo Ourense.
Cómpre salientar que entre o 21 de xaneiro e o 30 de abril –por mor dun incendio que afectou gravemente as infraestruturas do túnel do Folgoso– todo o tráfico que circula diariamente pola A-52 foi desviado a través da N-120, ocasionando un importante deterioro na calzada que non estaba preparada para absorber tal volume e densidade de tráfico.
Nesta notificación Luis Piña solicitaba o arranxo do firme coa reposición de aglomerado e ademáis reiteraba un tema exposto ante estes organismos noutras ocasións relacionado co desbloqueo do expediente da obra aprobada polo Ministerio de Fomento do Goberno de España en 2015 “Acondicionamento de aceras y red de pluviales en dos tramos de la N-120 entre los PP613+970 Y 614+910 en ambos márxenes.
Na mesa de traballo de onte, ademáis de abordar estes dous importantes asuntos, tratáronse outros expedientes relacionados con autorizacións sectoriais para o desenvolvemento de varias obras pendentes de executar no Concello.