18.5 C
Pontevedra
Mércores, 17 de Xullo de 2024
Máis
    HomeA ParadantaA CañizaO alcalde da Cañiza solicita á Xunta a dotación dun camión e...

    O alcalde da Cañiza solicita á Xunta a dotación dun camión e equipos de excarceración para o GES

    Para equipar e activar o GES o Alcalde solicitou oficialmente a Vicepresidencia o pasado 28 de abril a entrega de medios materiais para poder ofrecer un servizo de calidade e pronta resposta

    Segundo explicou esta mañá o alcalde Luis Piña, no Pleno celebrado o 15 de abril, a Corporación votou a creación dun GES na Cañiza, adheríndose ao Convenio Marco suscrito entre a Xunta, a FEGAMP e a Deputación de Pontevedra en materia de emerxencias e prevención e defensa contra incendios forestais, polo que A Cañiza pasou a formar parte dos 29 GES de Galicia.

    Para poñer en funcionamento este Grupo, o alcalde solicitou oficialmente o pasado 28 de abril á Vicepresidencia 1ª da Xunta, a dotación e achega dos medios necesarios para cumprir co obxectivo de atender á poboación no menor tempo de resposta posible, dun xeito áxil e eficiente considerando que vivimos nun territorio de montaña, cunha complexa orografía, caracterizado pola dispersión poboacional e a existencia de núcleos e zonas con viais estreitos e de difícil acceso.

    O anexo III do Convenio Marco, referente aos medios materiais cos que contará cada GES co fin de proporcionar un servizo de calidade, axustado ás tarefas encomendadas, dispón que o Grupo debe contar cun vehículo todoterreo, vehículos de extinción, batelumes, ferramentas e EPIS.

    Para solicitar estos vehículos e equipamentos, o alcalde apela ao tratado persoalmente co Vicepresidente 1ª da Xunta e á cláusula oitava do Convenio no referente ao financiamento dos GES en materia de emerxencias e extinción e incendios, que no apartado 2 recolle que tanto a Dirección Xeral de Emerxencias como a Dirección Xeral de Administración Local e a Consellería de Medio Rural achegarán financiación para cubrir os gastos correntes en servizos e bens.

    En base ao anterior dende o Concello se solicitou á Xunta a achega  dun  camión de extinción de incendios, 1 vehículo tipo autobomba urbana lixeira para afrontar primeiras intervencións nun lume urbano nas zonas de difícil acceso, equipos de excarcelación e demáis material e efectivos de emerxencias e EPIS e vestiario específico para poder contar con profesionais ben equipados.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.