10 C
Pontevedra
Venres, 1 de Marzo de 2024
Máis
    HomeA ParadantaA CañizaA Confederación Hidrográfica Miño Sil colabora coa Cañiza para dar solución á...

    A Confederación Hidrográfica Miño Sil colabora coa Cañiza para dar solución á problemática das depuradoras

    O presidente da Confederación Hidrográfica Miño-Sil, José Antonio Quiroga, reuniuse esta mañá co alcalde da Cañiza, Luis Piña, para explicarlle polo miudo os traballos que o organismo está a desenvolver no Concello da Cañiza, así como as futuras inversións que se realizarán no Municipio en materia de medioambiente.

    Esta colaboración comeza cun estudio en profundidade das alternativas reais capaces de optimizar os actuais sistemas de depuración do Concello e a redacción dos proxectos que se deriven destes análisis.

    O rexedor da vila agradeceu ao presidente Quiroga a axuda prestada pola Confederación adxudicando este primeiro traballo á empresa coruñesa ANTEA IBEROLATAN SLU por un importe de 86.720,00 €.

    Esta mercantil será a encargada de redactar o estudo de alternativas de saneamento e depuración no Concello despois de ter analizado íntegramente a problemática das Edar Urbana, Industrial, de Valeixe, Luneda e Achas. A actuación tamén contempla a redacción dos proxectos para a mellora destas instalacións.

    Segundo comunicou o alcalde esta mañá “é a primeria vez que CH MIÑO-SIL coopera co Concello para tratar de dar solucións aos verdadeiros problemas que afectan aos sistemas de depuración actuais e que provocan os incumprimentos en materia de verquidos e polo tanto a imposición de continuas multas superiores aos 30.000 € por cada expediente sancionador aberto”.

    “Conseguimos que dende a Confederación se solidaricen coa situación de indefensión en materia de verquidos na que actualmente se atopa o Concello, sendo imposible depurar as augas residuais nos términos que nos obrigan as respectivas autorizacións”.

    “O Concello da Cañiza ven sufrindo esta situación de desamparo dende hai máis dunha década, por iso a actuación que hoxe presentamos é a mellor noticia en materia de depuración dos últimos anos”.

    Para poder determinar qué pasa exactamente cos sistemas de depuración do Concello, en concreto coa EDAR INDUSTRIAL, EDAR URBANA e a EDAR de VALEIXE, a empresa ANTEA IBEROLATAN SLU, adxudicataria da actuación promovida pola CHMIÑO-SIL, comezou o pasado 11 de abril os traballos de estudo integral da situación actual destas EDARS.

    Este traballo está basado nun estudo inicial promovido polo Concello e redactado por unha enxeñería externa que o Alcalde presentou ao Presidente da Confederación.  Tras diversas reunións de traballo entre o Concello e Confederación, conseguiuse o compromiso deste Organismo para colaborar na evaluación da situación actual dos sistemas de saneamento e depuración municipais, redacción de proxectos e  aplicación de medidas correctoras.

    A raíz deste estudo inicial do Concello, técnicos da propia Confederación retomaron a evaluación para determinar as posibles causas dos problemas de verquido derivadas das EDARS municipais.  Exceso de caudal de chegada á EDAR Urbana, baixa carga da EDAR Industrial e problemas con verquidos de metal,  problemas de desbordamentos nas EDAR de Achas e Valeixe, etc.  Á difícil orografía do Concello e tamén a existencia de numerosos saneamentos construidos polo propio Concello no pasado sen autorización nin proxecto, nin control de obras, son outras posibles causas da actual situación.

    Unha problemática que agora a empresa ANTEA IBEROLATAN SLU terá que estudiar en profundidade para dar unha solución e redactar os proxectos que sexan necesarios para correxir os sistemas.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.