23.5 C
Pontevedra
Sábado, 13 de Xullo de 2024
Máis
    HomeA ParadantaA CañizaA Cañiza solicita á Xunta "potenciar" a Galicia interior

    A Cañiza solicita á Xunta “potenciar” a Galicia interior

    O secretario xeral do PSdeG, Gonzalo Caballero, visitou hoxe A Cañiza xunto ao seu alcalde, Luis G. Piña, para coñecer de primeira man as necesidades do municipio.

    Dende alí solicitou á Xunta que traballe para “potenciar” a Galicia interior, xa que “necesita desenvolvemento, modernización e posibilidades de futuro”. “Alí onde estamos os socialistas, pedimos todo o impulso e a forza para aumentar en poboación, xerar emprego e dar posibilidades de vida e de futuro á xente”, reivindicou.

    Ao fío disto, Gonzalo Caballero chamou á Xunta a “cooperar cos concellos” e a traballar na xeración de postos de traballo e na loita contra o reto demográfico no interior de Galicia. “Necesitamos unha Cañiza potente e potenciar a Galicia interior”, subliñou, logo de incidir en que este municipio debe ser “referencia” para a zona sur da provincia de Pontevedra e tamén para a interacción coa provincia de Ourense.

    Piña, “un alcalde comprometido”

    Noutra orde de cousas, Gonzalo Caballero destacou o traballo do equipo de goberno, dirixido por Luis G. Piña, “un alcalde de primeira” e “comprometido cos seus veciños e veciñas” que fixo unha “magnífica tarefa” durante a crise da covid e, agora, “está a impulsar a reactivación” da vila.

    De feito, resaltou a súa boa xestión logo de recordar que, cando chegou á alcaldía, atopouse “máis de catro millóns de euros en facturas sen pagar” froito da xestión da anterior corporación municipal.

    A pesares das dificultades derivadas da situación herdada, “o goberno da Cañiza está solucionando os problemas e facendo avanzar o municipio”, valorou Gonzalo Caballero.

    Luis Piña

    Pola súa banda, o alcalde da Cañiza, Luis G. Piña, amosou o seu “compromiso” no labor de “sacar adiante o concello”.

    Ademais, agradeceu a Gonzalo Caballero a súa visita, así como “o cariño e o apoio que me transmitiu ao longo dos últimos meses”, xa que “en todo aquilo que necesitei dende a acción municipal do meu partido, así como nas xestións oportunas coas diferentes administracións, tanto coa Administración Xeral do Estado como coa Deputación de Pontevedra, estivo aí”.

    Por último, puxo en valor o labor do secretario xeral ao querer “coñecer in situ a realidade do noso día a día”, así como “as preocupacións dos veciños e veciñas” da Cañiza.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.