O alcalde da Cañiza, Luis Piña, anunciou esta mañá que o Concello activa dúas novas accións formativas en colaboración con ADEC (empresa beneficiaria dunha subvención da Deputación de Pontevedra).
As formacións están destinadas a mellorar a empregabilidade das persoas con especiais dificultades para atopar emprego e conseguir a súa inserción laboral.
As accións formativas que se poñen en marcha son:
Peón forestal
Duración: 60 horas: data prevista de inicio do curso: xaneiro de 2022
Limpeza
Duración: 60 horas: data prevista de inicio do curso: febreiro de 2022
Estos cursos se realizarán en modalidade teleformación/a distancia con sesión práctica.
Persoas destinatarias: persoas preferiblemente do concello de A Cañiza en situación de desemprego inscritas no SPEG e que pertenzan a colectivos vulnerables: desempregadas de longa duración, menores de 30 inscritos no programa de Garantía Xuvenil, persoas con discapacidade, inmigrantes, perceptoras de subsidios, RAI, RISGA, IMV, outros colectivos vulnerables en situación de exclusión social.
Lugar de inscrición: oficinas xerais do Concello en horario de 9:00 a 14:00 h ou a través de sede electrónica. O prazo de inscrición estará aberto ata o vindeiro 14 de xaneiro, ou ata cubrir prazas en cada un dos cursos.
A adxudicación de prazas realizarase por rigurosa orde de solicitude no rexistro de entrada municipal, unha vez comprobado que se cumplen os requisitos.
Publicación do listado provisional de persoas admitidas: 18 de xaneiro no taboleiro de anuncios da Casa Consistorial e en Sede electrónica.
O 19 de xaneiro 2022 realizarase o chamamento telefónico das persoas admitidas para confirmar a súa participación na acción formativa.
Realizarase con cada aspirante como máximo tres intentos de chamamento ao longo da mañá en intervalos de como mínimo 15 minutos.
