É Noticia

A igrexa de Santa Clara acollerá mañá martes a primeira das charlas sobre os achados arqueolóxicos que amosan como foi a vida no convento durante os máis de 700 anos que o conxunto permaneceu pechado ao público.

A Deputación de Pontevedra, a través de SmartPeme, oferta catro novas formacións impartidas de xeito online, enmarcadas na súa carteira de obradoiros.

A Deputación de Pontevedra vén de recibir unha nova subvención do Ministerio para a Transición Ecolóxica e o Reto Demográfico (MITECO) de 280.658 euros para desenvolver o programa “Hub para a loita contra a fenda dixital e a soidade non desexada no medio rural da provincia de Pontevedra”.

A “grandísima e recoñecidísima” actriz galega, María Casares, terá unha camelia co seu nome no Xardín de Camelias con Nome de Muller do Castelo de Soutomaior.

Definir ferramentas e propostas que permitan mellorar o ensino da situación sociolingüística do galego nas aulas de Secundaria e contribuír a que o alumnado comprenda a situación de minoración na que se atopa o idioma son dous dos obxectivos do proxecto ‘Lingua e sociedade’ -que impulsa a Deputación de Pontevedra xunto a persoal investigador da Universidade de Vigo– e que onte centraron as xornadas homónimas celebradas no Pazo Provincial. Un dos resultados do traballo será a publicación dunha guía didáctica que se repartirá nos centros da provincia.

Co obxectivo de impulsar novas iniciativas, actividades e proxectos conxuntos que sigan a contribuír ao desenvolvemento social e económico da provincia a presidenta da Deputación Carmela Silva e o reitor da Universidade de Vigo, Manuel Reigosa, xunto ás vicerreitoras dos campus de Pontevedra e Vigo, Eva Lantarón e Natalia Caparrini, veñen de asinar un novo protocolo de colaboración para regular as relacións entre ambas institucións.

O Apalpador, a tradicional figura do Nadal na Galiza, visitará este ano 46 concellos da man da Deputación de Pontevedra grazas á octava edición do programa ‘Nadal en Galego’. O departamento de Lingua dirixido pola deputada María Ortega concedeu a actuación a todos os municipios que o solicitaron.

A Deputación de Pontevedra celebrará o próximo venres 18 de novembro a Gala de entrega dos VI Premios Provinciais á Xuventude. A cita comezará ás 18:00 horas no Salón de Plenos do Pazo provincial, estará conducida pola xornalista cultural e actriz Adela Bértolo e a guinda musical correrá a cargo de Eva Pico, alumna da 1ª edición do programa de mentorías de Descúbreas.

A Deputación de Pontevedra, a través de SmartPeme, oferta catro novas accións formativas impartidas de xeito mixto, combinando cursos online e presenciais, enmarcados na súa carteira de obradoiros.

A subdelegada do Goberno en Pontevedra, Maica Larriba, coordinou esta mañá cos principais mandos policiais da provincia o dispositivo preventivo co que se garantirá a operatividade das comunicacións con motivo da convocatoria dun paro patronal por parte dunha plataforma minoritaria do transporte. A subdelegada deu instrucións para que se tomen as medidas operativas oportunas que propicien a libre circulación dos transportistas que non secunden o paro, ante a posible presenza de piquetes.

A Consellería de Sanidade abriu a autocita para todas as persoas que, por diferentes motivos, non foron vacinadas coa segunda dose de reforzo da covid-19. Así, a partir de hoxe venres, 11 de novembro, poderase xestionar a cita para a vacinación, que terá lugar en grandes recintos. A citación farase a partir do luns, 14 de novembro.

Que teñen en común a zona transfronteiriza arredor do Río Soča na fronteira eslovena-italiana e a zona do Río Miño ao longo da fronteira galego-portuguesa? Segundo se puxo onte de manifesto na xornada de traballo organizada polo AECT Rio Minho e o AECT Go hai moitos paralelismos entre ambos territorios transfronteirizos e tamén moitos obxectivos conxuntos.