8.9 C
Pontevedra
Venres, 29 de Marzo de 2024
Máis
    HomeÉ NoticiaTodo preparado para os VI Premios Provinciais á Xuventude da Deputación

    Todo preparado para os VI Premios Provinciais á Xuventude da Deputación

    A Deputación de Pontevedra celebrará o próximo venres 18 de novembro a Gala de entrega dos VI Premios Provinciais á Xuventude. A cita comezará ás 18:00 horas no Salón de Plenos do Pazo provincial, estará conducida pola xornalista cultural e actriz Adela Bértolo e a guinda musical correrá a cargo de Eva Pico, alumna da 1ª edición do programa de mentorías de Descúbreas.

    Nesta convocatoria presentáronse un total de 75 candidaturas, un incremento do 18% con respecto a 2021. Salienta especialmente o caso das propostas na categoría de investigación, novidade deste ano, xa que se recibiron un total de 15 traballos e foi a segunda categoría con máis participación (só por detrás da de fotografía orixinal, con 23 traballos optando aos galardóns).

    Os VI Premios Provinciais á Xuventude están dotados dun total de 32.000 euros repartidos en 10 categorías: iniciativa social, iniciativa empresarial, educación en valores, investigación, contido audiovisual, traballo musical –música clásica e outros xéneros–, traballo literario breve –narrativa e poesía–, banda deseñada, fotografía orixinal –serie fotográfica e fotografía– e deseño e moda. Poden participar mozas e mozos empadroados na provincia de entre 16 e 35 anos, agás no caso da categoría de educación en valores, na que se poden postular proxectos levados a cabo en aulas de educación secundaria e bacharelato (entre 12 e 18 anos).

    A Deputación tamén premia o compromiso da mocidade co cambio climático

    Como vén sendo habitual, na cita tamén se entregarán os premios do concurso ReAcción polo Clima, co que a Deputación premia a creatividade das mozas e mozos da provincia á hora de denunciar o cambio climático. A rapazada de 16 a 30 anos puido presentar vídeos reivindicativos empregando calquera formato característico de medios sociais como YouTube, Instagram ou TikTok. Os traballos gañadores reciben 4000 € repartidos nun primeiro, segundo e terceiro premio (2400 €, 1000 € e 600 €, respectivamente). O evento será retransmitido en directo nos perfís da Deputación de Pontevedra en YouTube e Twitter.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.