Val Miñor

A Deputación de Pontevedra arranca as obras de acondicionamento e adaptación do punto limpo de Gondomar para a xestión e reciclaxe dos residuos eléctricos e electrónicos (RAEE), no marco do proxecto ESTRAEE. A actuación, cun orzamento de 35.307€, permitirá que a veciñanza conte cun espazo totalmente renovado no que depositar, para a súa reciclaxe, todo tipo de electrodomésticos, aparellos informáticos ou televisores, entre outros.

O Concello de Nigrán dá un paso máis no seu proxecto 'Un Nigrán para todos' fornecendo de máscaras inclusivas ao profesorado de todos os centros educativos do municipio e ao alumnado con necesidades especiais. Estes EPIS teñen a zona da boca en PVC transparente, o que permite a lectura de beizos e a transmisión de emocións, cuestión fundamental para a comunidade xorda pero tamén para o persoal educativo de determinadas especialidades.

O Concello de Baiona vén de recibir unha achega de 6.000 euros ao abeiro da liña 2 do Plan Concellos 2020 para dar liquidez á hora de sufragar necesidades motivadas pola crise do coronavirus. Concretamente, a subvención vai destinada á actuación que ten por nome 'Medidas destinadas a paliar vos efectos negativos dá crise sanitaria ocasionada polo COVID-19 e a prevención para evitar a transmisión dá pandemia'.

A concelleira de Benestar Social, Verónica Carrera, informa da apertura do prazo de inscrición da ludoteca para este curso 2020-2021. Mañá día 6 e o mércores día 7 de 09:30 a 14:00 horas e de 17:00 a 20:00 horas as familias poderán inscribirse neste servizo municipal que organizará o curso en grupos e horarios en función da demanda para axudar nunha mellor conciliación laboral e familiar.

O Concello de Nigrán abre o prazo de inscrición para participar no novo programa de voluntariado ambiental incluído no proxecto do GALP ‘Recuperando o litoral. Accións de mellora patrimonial e ambiental de Praia América e Panxón’. Ademais, enmarcado tamén no ámbito divulgativo deste proxecto, haberá diferentes roteiros ao longo do mes, todos con inscrición previa e limite de aforo por protocolo sanitario.

O Concello de Nigrán consigna por vez primeira na súa Historia unha axuda directa de 2.500 € anuais ata o ano 2023 á asociación Solidariedade Galega co Pobo Saharaui, responsable do programa ‘Vacacións en Paz’ no que participa o municipio e que consiste en traer a menores a Galicia para apartalos das inclemencias do verán nos campamentos de refuxiados de Arxelia e, ao mesmo tempo, recibir atención médica.

O Concello de Nigrán estreará na comarca do Val Miñor nas vindeiras semanas o programa ‘Xantar na Casa’, un servizo de comida a domicilio destinado a garantir unha alimentación saudable a persoas maiores de 60 anos, dependentes ou en risco de exclusión social e para o que xa está aberto o prazo de solicitude. O obxectivo final desta iniciativa enmarcada no programa municipal 'Un Nigrán para todos' é aumentar a calidade de vida destas persoas con problemas de automomía, tendo un custe simbólico para o beneficiario de 1,76 € por menú (Concello e Xunta aportan o resto ata 6,60 €).

O Servizo de Axuda ao Fogar de Gondomar, integrado por un persoal de 26 traballadores e traballadoras, prestará un total de 2.500 horas ao mes a máis de medio centenar de usuarios, cun custo de 17.06 euros a hora. Isto suporá un incremento na partida anual do concello de 221.000 euros, que se suma aos xa asumidos noutros servizos como o banco de alimentos, comedores, alugueres ou igualdade, convertendo a Gondomar no concello que máis inviste en materia social de todo o país.

Potenciar a riqueza natural do municipio como un elemento máis de interese de Gondomar e de diversificación dos seus atractivos turísticos é un dos obxectivos desta nova iniciativa coa que se quere dar a coñecer á veciñanza e visitantes o patrimonio vexetal dos parques urbanos da localidade.

A Casa da Navegación de Baiona acolleu, na mañá de hoxe, a presentación do programa cultural 'BaiOutono', unha iniciativa que como adiantara o alcalde de Baiona, Carlos Gómez, na presentación da marca Baiona e a imaxe 'Baiona te engancha', busca ofrecer actividades e iniciativas que permitan unha desestacionalización do turismo.

O Concello de Nigrán conmemorou esta mañá o 1 de Outubro, Día Internacional das Persoas Maiores, cunha pequena andaina desde o CEIP da Cruz ata o novo miradoiro do pericoto de Vilar, en Camos. Así, un grupo de 30 persoas de idade previamente inscritas para cumprir estrictamente o protocolo sanitario puido gozar das abraiantes vistas de toda a comarca ao tempo que degustaba chocolate con rosca, ademais, o Concello os agasallou cun diploma e unha mochila.

O Concello de Nigrán celebrará un ano máis o 'Mes do Teatro' al longo de outubro engadindo tamén a conmemoración das Letras Galegas o día 31, nova data designada pola Real Academia Galega ao coincidir o 17 de maio en confinamento. En total, haberá tres representacións de teatro os sábados 3, 10 e 24 de outubro e un concerto o 31, todas estas actuacións serán no Auditorio Municipal ás 20:00 horas cun aforo limitado a 54 persoas para manter a distancia de seguridade.