O Porriño

Os próximos días 5, 6 y 8 de maio de 2023 o espazo itinerante “Únete a la Generación D, cada día somos máis” visitará O Porriño, situarase no pavillón de Deportes, rúa Doantes de Sangue, e queremos convidarte a participar.

O conselleiro de Cultura, Educación, FP e Universidades, Román Rodríguez, interveu esta mañá na presentación dunha nova edición do Festival de Cans, que celebrará o seu 20º aniversario do 16 ao 20 de maio na aldea do Porriño da que toma o seu nome.

O Centro Cultural Municipal acolle, ata o vindeiro 8 de maio, a exposición da muralista e ilustradora Eva Casais, organizada polo Concello do Porriño en colaboración coa asociación protectora de animais Os Biosbardos.

A figura capital da historia das artes en Galicia, Castelao, chega ao Porriño cunha proposta escénica para a infancia. A compañía Culturactiva Produccións, a través da Xunta de Galicia e o Concello do Porriño, trae este venres ao Porriño a súa obra de teatro infantil e familiar “Castelao”.

O candidato á Alcaldía do Porriño, Alejandro Lorenzo, desvelou hoxe a totalidade da lista que o acompañará de cara as eleccións do vindeiro 28 de maio. Tras 15 meses de goberno, Lorenzo aposta por manter o mesmo equipo e reforzalo con perfís de recoñecida solvencia. “Unha candidatura que ofrece experiencia e resultados”, apuntou o candidato.

O Concello do Porriño saldou no último ano case na totalidade o pago pendente a provedores, que ascendía a 5,5 M e na actualidade se reduce a 985.506,75 euros. Tal e como reflicte o informe da intervención municipal de 25 de abril de 2023 “este acusado descenso da conta 413 xorde tras unha intensa labor de investigación, regularización e depuración de facturas levada a cabo en pouco máis dun ano”, como xa recomendaba facer o Consello de Contas de Galicia no seu informe de fiscalización selectiva do Concello do Porriño para os exercicios 2018 e 2019.

Co fin de facilitar a súa accesibilidade e localización, o Consorcio de Augas do Louro, anuncia o cambio de oficina de atención ao público no Porriño.

Os amantes do running poderán correr un ano máis polas rúas do Porriño. O vindeiro domingo 30 de abril disputarase unha nova edición de “O Porriño 10K”, unha carreira popular organizada polo Concello do Porriño e o Club Atletismo Porriño.

O alcalde do Porriño e candidato á reelección, Alejandro Lorenzo, avanzou hoxe a incorporación á súa lista en postos de saída de Carlos Martínez Nogueira, Rosa Isabel Alonso Romero e Marcos Martínez Campos, que xunto co seu equipo actual completan os once corporativos cos que aspira conformar o próximo goberno municipal.

A Concellería de Educación e a OMIX do Concello do Porriño están a desenvolver un Programa de Intervencións Asistidas con Cans para o alumnado con NEAE do centro educativo de ACEESCA.

Xa está aberta ao público a nova zona de aparcamento gratuíto habilitada polo Concello do Porriño no centro urbano. Este aparcamento disuasorio está localizado na rúa Progreso e dada a súa extensión e localización, no futuro acollerá tamén eventos e actividades lúdicas e festivas.

AFAGA Alzheimer, en colaboración co Concello do Porriño, oferta un curso de nivel avanzado para coidadores familiares de persoas con demencia.