14.2 C
Pontevedra
Venres, 24 de Maio de 2024
Máis
    HomeLouriñaO PorriñoAlejandro Lorenzo reforza o seu equipo apostando pola "xestión e a experiencia"

    Alejandro Lorenzo reforza o seu equipo apostando pola “xestión e a experiencia”

    O alcalde e candidato á reelección avanzou a incorporación de Carlos Martínez Nogueira, que se perfila como peza importante do próximo mandato ocupando o número dous.

    O alcalde do Porriño e candidato á reelección, Alejandro Lorenzo, avanzou hoxe a incorporación á súa lista en postos de saída de Carlos Martínez Nogueira, Rosa Isabel Alonso Romero e Marcos Martínez Campos, que xunto co seu equipo actual completan os once corporativos cos que aspira conformar o próximo goberno municipal.

    Lorenzo aposta así pola continuidade do seu equipo, reforzándoo con incorporacións de marcado perfil técnico que acentuarán a xestión municipal, todos eles persoas “que encaixan e aportan valor ao equipo, cunha gran capacidade de traballo e vocación de servizo”.

    Carlos Martínez, quen se perfila como peza importante do próximo mandato pola súa experiencia na xestión municipal, ocupará o número 2. Martínez ten 54 anos e é natural da parroquia de Atios, aínda que a día de hoxe reside en Pontellas. Licenciado en Dereito leva décadas exercendo a avogacía no Porriño e conta cun gran coñecemento da administración local, pois foi concelleiro da corporación dúas lexislaturas, dende o 2011 ata 2019. Na primeira delas como parte do equipo de goberno ao frente das áreas de Patrimonio, Servizos Xurídicos e Canteiras, na que levou ou peso da negociación que, en termos de licencias de actividade e organización, iniciou a regularización da actividade industrial das canteiras do Porriño. Na segunda, como voceiro do grupo municipal popular.

    Outra novidade importante é Rosa Isabel Alonso, veciña da parroquia de Budiño, que se incorpora no número 7 da candidatura. Alonso, de 44 anos de idade desenvolve a súa carreira profesional no eido da contabilidade e a administración. Destaca pola súa implicación e compromiso social e forma parte como tesoureira da directiva da ANPA do CEIP Cruz Budiño.

    Por último súmase Marcos Martínez, de 46 anos e veciño da parroquia de Cans que ocupará o número 11 da lista. Martínez desenvolveu a súa carreira profesional no sector da construción e conta cunha gran experiencia en obra pública. É Vicepresidente da AV Castelo de Cans e membro da Xunta Rectora da Comunidade de Montes de Cans. A súa implicación activa na vida cultural e social e a súa gran capacidade de traballo avalan a súa candidatura.

    “Presentamos un equipo plural, capaz de responder ás necesidades da veciñanza e seguir gobernando O Porriño dende a responsabilidade e a sensibilidade. Un equipo capaz de seguir facendo unha política útil, que sirva aos porriñeseses e porriñesas”, apuntou Alejandro Lorenzo.

    Lorenzo anticipou tamén que a candidatura completa que o acompaña presentarase oficialmente o vindeiro xoves 27 de abril nun acto que se celebrará no Pavillón Municipal de Deportes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.