Os amantes do running poderán correr un ano máis polas rúas do Porriño. O vindeiro domingo 30 de abril disputarase unha nova edición de “O Porriño 10K”, unha carreira popular organizada polo Concello do Porriño e o Club Atletismo Porriño que foi presentada polo alcalde, Alejandro Lorenzo, a vicepresidenta do Atletismo Porriño, Lucía Novoa, e a secretaria do club, Deneb Álvarez.
Hai inscritas preto de 1000 persoas. Un dos atractivos da proba é que se trata da 10k homologada co circuíto máis rápido de Galicia, polo que os participanes teñen a posibilidade de firmar as súas mellores marcas persoais.
Cabe destacar que a carreira de pitufos e chupetes non require de proceso de inscrición e as nenas poderán participar na mesma presentándose na liña de saída á hora estipulada.
Otorgaranse premios en metálico aos tres primeiros clasificados (feminino e masculino) da carreira 10k na categoría absoluta: 300 euros ao primeiro, 200 euros ao segundo e 100 euros ao terceiro.
Tamén se entregarán trofeos aos tres primeiros clasificados de cada categoría (catro na carreira de menores, dúas na 5K e tres na 10K).
