Hoxe celebrouse no salón de sesións do Concello de Mos a recepción ás 5 nadadoras de categoría infantil do Club Natación Mos polos excelentes resultados obtidos no Campionato Galego Infantil disputado a fin de semana do 9 e 10 de xullo.
As homenaxeadas estiveron acompañadas polo seu compañeiro de equipo, o internacional, campión de natación adaptada, Juan Ferrón, pola alcaldesa de Mos, Nidia Arévalo, o concelleiro de Deportes, José Areal, demais membros da Corporación Municipal, o coordinador do departamento municipal de deportes en funcións, membros da directiva do Club Natación Mos e familiares.
As nadadoras infantís do Club Natación Mos realizaron un gran Campionato Galego, obtendo un total de 10 medallas:
- Eva Martínez:
- Ouro en 100 Libre.
- 3 pratas en 100 Espalda, 200 Espalda e 50 Libre.
- Antía Hermida:
- 2 ouros en 200 Mariposa e 100 Mariposa.
- Carolina Pereiro:
- Ouro en 100 Braza.
- 2 pratas: en 200 Braza e 200 Estilos.
- Eva Martínez, Carolina Pereiro Antía Hermida e Noa Salgueiriño
- Bronce en 4×100 estilos (primeira medalla do club en relevos).
As nadadoras do Club Natación Mos sumaron un total de 183 puntos colocándose na 7ª Posición por Clubes.
As probas nadadas fueron as seguintes:
- Eva Martínez 50 Libre, 100 Libre, 100 Espalda, 200 Espalda, e relevos de 4×100 Libre 4×200 Libre e 4×100 Estilos
- Carolina Pereiro 100 Braza, 200 Braza, 200 Estilos, 100 Libre e relevos de 4×200 Libre e 4×100 Estilos
- Antia Hermida 100 Mariposa, 200 Mariposa, 50 Libre, 100 Libre e relevos de 4×100 Libre e 4×100 Estilos
- Noa Salgueiriño 200 Estilos, 200 Braza, 100 Libre e 200 Libre e relevos de 4×200 Libre 4×100 Libre e 4×100 Estilos
- Ainoa Pardavila 100 Libre, 200 Libre, 400 Libre e 800 Libre e relevos de 4×100 Libre e 4×200 Libre
Parte do mérito deste sobresaínte palmarés teno tamén Xouba, seu adestrador. O vindeiro obxectivo é o Campionato de España Infantil en Logroño.