11.9 C
Pontevedra
Martes, 30 de Abril de 2024
Máis
    HomeLouriñaMosMariano Rajoy asistirá ao xantar dos populares do Baixo Miño e Louriña
    LouriñaMos

    Mariano Rajoy asistirá ao xantar dos populares do Baixo Miño e Louriña

    Redacción
    Redacción

    O expresidente Mariano Rajoy arroupará en Mos a Ana Pastor no xantar dos populares do Baixo Miño e Louriña que se desenvolverá o sábado 13 de abril ás 13:30 horas en Sanguiñeda, Mos. Así o anunciaron hoxe os candidatos e candidatas destas comarcas no acto de presentación que tivo lugar na sede dos populares porriñeses.

    Os interesados e interesadas en asistir a este xantar, poden recoller a súa entrada nas sedes locais do PP no Porriño, Mos, Salceda, Tui, Oia, Tomiño, A Guarda ou O Rosal. O prezo do menú é de 15 euros por persoa.

    Os candidatos e candidatas ás alcaldías da comarca –Alejandro Lorenzo polo Porriño, Nidia Arévalo por Mos, Santiago Rodríguez por Salceda, Roberto Carrero por A Guarda, Esteban González por Tomiño, María del Carmen Alonso polo Rosal, e Cristina Correa por Oia– aproveitaron a presentación para convidar aos simpatizantes e militantes a participar desta xornada.

    RELACIONADOS

    LIBROS

    O Meu Andel

    A pegada de «Ronsel»

    Manrique Fernández -
    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
    O Meu Andel

    Dores Tembrás, «Enxertos»

    Manrique Fernández -
    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
    O Meu Andel

    Queridos Reis Magos…

    Manrique Fernández -
    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.
    © 2015-2020 comarcasnarede.es Todos los derechos reservados