10.2 C
Pontevedra
Venres, 29 de Marzo de 2024
Máis
    HomeUltimas NoticiasPonteareas restrinxe as visitas á residencia de maiores e os paseos das...

    Ponteareas restrinxe as visitas á residencia de maiores e os paseos das persoas residentes como medida preventiva ante os rebrotes da COVID19

    Aínda que todos os residentes están ben, o goberno local toma esta medida preventiva ante o aumento de contaxios noutras zonas

    O Concello de Ponteareas, diante da situación de novos contaxios de coronavirus noutras zonas, vén de tomar diferentes medidas de contención para minimizar os riscos de contaxio na residencia de maiores municipal ‘Santa Ana’; medidas que se adoptaron de forma coordinada coa responsable da Covid-19 no PAC de Ponteareas da Consellería de Sanidade.

    Segundo a concelleira de Benestar Social, Verónica Carrera, “tomouse a decisión de restrinxir a saída dos e das usuarios e usuarias da residencia de maiores”, así como limitar as visitas as persoas que residen neste centro “a unha soa persoa nos xardíns da instalacións”.

    “Dadas as características da nosa residencia que está ubicada no centro da vila e é para persoas válidas, –explica Verónica Carrera– as persoas residentes saen con frecuencia o que supón unha situación de risco de contaxio elevado na actualidade”.

    Aínda que na residencia de maiores municipal lévanse a cabo todas as medidas de prevención Covid-19, tales como visitas a residentes no xardín, enquisas diarias a persoal, persoas usuarias, visitas, así como toma de temperaturas, distanciamento interpersoal, lavado de mans e uso de máscaras, o Goberno entende que para maior tranquilidade o mellor é tomar estas medidas para unha maior prevención.

    A concelleira agradeceu “a profesionalidade e a labor tan importante que están realizando todas as traballadoras e traballadores da residencia de maiores”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.