22.8 C
Pontevedra
Martes, 4 de Outubro de 2022
Máis
    HomeVal MiñorBaionaDoce mulleres baionesas, protagonistas do calendario 2021

    Doce mulleres baionesas, protagonistas do calendario 2021

    A Concellería de Igualdade do Concello de Baiona en vista do éxito das Axendas Igualitarias 2021 edita un calendario para o ano 2021 coa historia das 12 mulleres baionesas protagonistas desta axenda. Esta acción ven a por o remate do proxecto ‘Igualdade todo o ano’ impulsado pola concellería no seu compromiso por levar a cabo actuacións de promoción da igualdade entre mulleres e homes e contra as violencias machistas.

    A Concelleira de Igualdade, Yasmina Moreira Costas, destaca que foi tal o éxito das axendas igualitarias, “e dado que non todo o mundo puido facerse con unha, que decidimos editar este calendario para que todos os veciños e veciñas que o desexen poidan ter este almanaque nas súas casas e poder coñecer de primeira man a historia destas 12 mulleres baionesas que loitan pola igualdade”.

    O calendario 2021 ilústrano as historias recollidas na axenda igualitaria 2021. Desde a concellaría quíxose recoñecer con esta axenda, e agora co calendario, o papel que ten a muller no municipio, a través de doce baionesas que foron pioneiras en diferentes campos. Así,  cada un dos meses está dedicado a unha muller da vila, algunhas suficientemente recoñecidas e outras do todo descoñecidas até o momento: xaneiro a Irene Silva; febreiro a Lula Goce, marzo a Iria González, abril a I ria Misa, maio a Mónica Sueiro, xuño a Mila López, xullo a Ana María Gameiro, agosto a Cristina Míguez, setembro a Susana González, outubro a Ramona Marcote, novembro a Carmen Piñeiro e decembro a Fefa. Detrás de cada unha destas mulleres hai unha historia de loita pola igualdade que merece que os seus conveciños e conveciñas coñezan.

    Premer para ampliar

    Editaranse 7.500 calendarios e as persoas interesadas poden recollelos en distintos puntos habilitados nas parroquias do municipio. Así, en Baiona poderán acudir a praza de abastos municipal e o edificio do Concello; en Sabarís, no casino e na praza de abastos; en Baíña, na cafetería do centro cultural e na tenda desta parroquia; en Belesar na tenda-bar de Media Aldea e en Baredo na tenda desta parroquia. A partir do luns tamén se poderán recoller no Centro Ángel Bedriñana, situado na rúa Carabela Pinta.

    A axenda igualitaria 2021 e a edición do calendario supoñen o colofón do proxecto “Igualdade todo o ano”, unha iniciativa didáctica e pedagóxica, na que asumen o protagonismo o alumnado que cursa a ESO tanto no CPI COVA TERREÑA coma no IES PRIMEIRO DE MARZO e mulleres dá nosa vila. O proxecto, promovido polo Concello de Baiona a través dá Concellería de Igualdade, Xuventude e Novas Tecnoloxías e o Centro Municipal de Información á Muller municipal, é subvencionado pola Deputación de Pontevedra, no marco dá Liña dous do Plan Concellos 2020.

    Pola súa banda o Alcalde, Carlos Gómez Prado sinala que: “temos claro que o que non se nomea, non existe, e temos unha débeda de xustiza inmensa con xeracións de mulleres anónimas que seguen sen aparecer nos libros de texto e no imaxinario social. Estas 12 mulleres baionesas que figuran na axenda igualitaria e no calendario axudan a visibilizar o papel da muller na nosa vila. Elas figuran en representación de todas as que viron os seus nomes invisibilizados na historia da localidade, e en recordo ás que sufriron e continúan sufrindo a consecuencia máis dolorosa e extrema da desigualdade como é a violencia machista. Trátase de mulleres pioneiras e que co seu traballo contribúen ou contribuíron de maneira decisiva ao desenvolvemento social, económico e cultural de Baiona. Pero tamén queremos recoñecer a todas esas mulleres anónimas que desde as súas casas día a día foron e son e serán as auténticas protagonista de sacar a familia adiante. Grazas ao seu traballo e ao seu esforzo ocupáronse de sacar adiante á familia, educadoras, coidadoras, xestoras do fogar que con traballo e sacrificio impulsaron os seus fogares. O meu recoñecemento a todas e cada unha delas”.

    E conclúe que “con accións de visualización como a edición tanto das axendas igualitarias como dos calendarios o grupo de goberno do Concello de Baiona aposta firmemente por avanzar nos valores da igualdade de xénero desde a administración, como exemplo a seguir polo resto da cidadanía na construción dunha sociedade de igualdade de oportunidades entre mulleres e homes. Entre todos construímos unha Baiona mais igualitaria. Queremos unha Baiona libre de violencia machista”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS