10.8 C
Pontevedra
Sábado, 23 de Outubro de 2021
Máis
    HomeUltimas NoticiasDigna Rivas, “Redondela conta unha mocidade dinámica, activa e implicada na mellora...

    Digna Rivas, “Redondela conta unha mocidade dinámica, activa e implicada na mellora do seu municipio”

    O Consello Municipal da Infancia e a Adolescencia celebrou hoxe unha nova reunión para analizar o avance das iniciativas presentadas anteriormente e establecer novos obxectivos

    “Redondela conta cunha mocidade é unha infancia dinámica, activa e absolutamente implicada en todos os temas que poidan supoñer unha mellora para o seu municipio e para a calidade de vida, non só do sector máis novo da poboación, senón para o total da veciñanza”, asegurou a alcaldesa Digna Rivas ao remate da reunión telemática do Consello Municipal da Infancia e a Adolescencia celebrado na mañá de onte.

    Ao longo do Consello, no que participou tamén o concelleiro de Cultura, Daniel Boullosa, realizouse un repaso á situación na que se atopan as ideas e proxectos tratados na anterior reunión do Concello, algúns xa feitos como é o caso do parque de calistenia, e outros en proceso ao ter aspectos técnicos que precisan de tramitación como os relativos a mobilidade e accesibilidade nas beirarrúas.

    As mozas e mozos, logo do longo período de confinamento e as restricións marcadas pola Covid, amosaron seu desexo de que por parte do Concello organícense actividades e iniciativas ao aire libre que, mantendo as medidas sanitarias en vigor, permitan á mocidade gozar dos espazos verdes do municipio. A petición foi recollida pola alcaldesa que salientou a intención, unha vez que as directrices sanitarias o permitan, “de organizar actividades dirixidas específicamente á mocidade” especialmente, recalcou á alcaldes, “á franxa de idade entre os 14 e 18 anos cos que o Concello tén unha débeda pendente”.

    Tanto Digna Rivas como Daniel Boullosa, agradeceron “o compromiso e traballo” que amosan os nenos e nenas e que se reflicte nas reunións que celebran cada dous semanas, para debater, pensar e propoñer solución para ter unha cidade máis amigable coa infancia.

    Rivas lembrou que “unha cidade amigable, segura e accesible para a infancia, tamén o é para o resto da cidadanía, de aí a importancia do traballo que están a realizar mozos e mozas neste neste Consello que redundará en beneficio de toda a cidadanía”.

    Ao longo desas reunións xorden propostas e iniciativas que dan boa conta de que, “as preocupacións da infancia e da mocidade, van máis aló do que lles afecta a eles directamente”. Boa mostra son as iniciativas que trataron sobre apoiar á hostalaría dándolle visibilidade nas redes sociais ou visibilizar o impacto medioambiental da pandemia.

    A alcaldesa fixo tamén un chamamento a que a mocidade e infancia de Redondela únase ao Consello Municipal “porque dende o Goberno precisamos que todas e todos vós nos lembredes esas cousas que precisabamos cando eramos pequenos e que, co paso do tempo, case que esquecemos”, díxolles Digna Riva aos nenos e nenas participantes neste Consello Municipal da Infancia e a Adolescencia.

    “Podemos estar orgullosos de contar cunha mocidade, solidaria, traballadora e responsable que nos permite mirar con esperanza ao futuro”, concluíu a rexedora local.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS