15.7 C
Pontevedra
Venres, 2 de Xuño de 2023
Máis
    HomeÉ NoticiaSmartPeme organiza unha xornada para promover a responsabilidade social das empresas

    SmartPeme organiza unha xornada para promover a responsabilidade social das empresas

    A sede de Vigo da Deputación vén de acoller unha xornada con motivo da terceira edición do programa de Desenvolvemento de Solucións Innovadoras promovido no marco de SmartPeme. O principal obxectivo do evento, ao que asistiu a deputada de Novas Tecnoloxías, Ana Mejías, é o de involucrar o tecido empresarial da provincia no compromiso social para fomentar o emprendemento no ámbito da Responsabilidade Social Corporativa (RSC). Para iso, a Deputación programou unha serie de conferencias a cargo de dúas persoas emprendedoras de relevancia no panorama galego e estatal, Carlota Corzo e Guillermo Martínez, así como dúas accións formativas sobre fabricación 3D e NFT e un almorzo networking para crear sinerxías entre as persoas participantes e seguir impulsando a innovación e mais o talento na provincia de Pontevedra.

    A coruñesa Carlota Corzo foi a encargada de arrancar a xornada cun relatorio titulado “Reformulando as doazóns”. Esta licenciada en Belas Artes fixo do emprendemento a súa bandeira ao fundar a firma Lázzaro, unha plataforma que dá seguridade ás doazóns a ONG. Gañadora do premio social Jóvenes da Fundación Máshumano, Corzo tamén foi incluída en 2022 na lista dos 30 talentos españois de menos de 30 anos da revista Forbes. Durante o relatorio, sinalou a situación que viven actualmente as ONG en canto á súa fenda tecnolóxica e comentou as vantaxes de servizos como os que a súa firma ofrece, xa que permiten centralizar as doazóns con tecnoloxías ‘blockchain’ coas que as e os doantes poden facer un seguimento total ata o seu destino final. A emprendedora sinalou tamén o uso dos NFT (non-fungible token) para as persoas que queren colaborar con ONG, por exemplo a través da súa implementación con persoas influentes en redes sociais. Nos dous casos, con absoluta transparencia.

    A continuación o enxeñeiro de Organización Industrial e diplomado en Tecnoloxía biónica Guillermo Martínez centrou o seu relatorio en “Deseñando axudas, imprimindo cambios sociais”, en sintonía co proxecto do que é fundador e director: Ayúdame 3D, unha organización sen ánimo de lucro que crea e entrega brazos impresos en 3D, nomeados “trésdeses” (próteses 3D), de maneira gratuíta a persoas con diversidade funcional de todo o mundo. A súa iniciativa empresarial levouno a facerse un nome dentro do mundo do emprendemento social e recibiu por el o premio Princesa de Girona 2020 na categoría Social.  Martínez fixo un emotivo relatorio no que explicou o proceso que o levou a poñer en marcha este proxecto a raíz dunha viaxe a África colaborando cunha entidade sen ánimo de lucro. A partir de aí, abandonou o seu traballo nunha empresa de xoguetes para dedicarse a esta finalidade (os seus ingresos proceden das conferencias e da súa empresa de impresión 3D de trofeos). No transcurso da súa intervención tamén amosou vídeos de casos reais de persoas que, grazas ás “trésdeses”, mudaron as súas vidas.

    O enxeñeiro foi tamén o encargado de impartir ás 12.00 horas un taller sobre a construción das próteses que elabora no seu proxecto empresarial. As persoas participantes coñeceron o funcionamento e as vantaxes da impresión 3D como ferramenta para construír próteses que axudan a mellorar a calidade de vida da poboación de países con poucos recursos e puideron colaborar na construción destas pezas, que serán posteriormente doadas a Ayúdame3D.

    O encontro pechouse a primeira hora da tarde co obradoiro “Que é un NFT e como mercalo”, no que Carlota Corzo e o seu compañeiro de Lázzaro Iván Saiz explicaron e familiarizaron ás persoas asistentes cos NFT, ensinando, entre outras cuestións, como adquirilos.

    COLABORACIÓNS

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    “The Last Of Us”

    Hace unos días, terminé de ver la primera temporada de la serie "The Last Of Us", una serie basada en la historia de un videojuego inspirado en un mundo apocalíptico.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    83 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS