7.9 C
Pontevedra
Venres, 29 de Marzo de 2024
Máis
    HomeÉ NoticiaSmartPeme pon en marcha catro novos obradoiros

    SmartPeme pon en marcha catro novos obradoiros

    Ata o 20 de xaneiro o programa de asesoramento tecnolóxico oferta cursos sobre ciberseguridade, mellora da produtividade ou márketing de contidos

    A Deputación de Pontevedra, a través de SmartPeme, oferta esta semana catro novas accións formativas impartidas de xeito online, enmarcadas na carteira de obradoiros que se imparten de forma telemática. As accións tratarán temas como o márketing de contidos, contramedidas básicas de ciberseguridade ou mellora da produtividade.

    O primeiro obradoiro terá lugar o martes 18 e nel Laura Carrera, cun postgrao en Dirección de Comunicación Corporativa, falará sobre o “Márketing de contidos: aprende a diferenciarte da competencia” tocando paus como a taxa de engagement ou os mellores horarios para as publicacións. O mércores 19, impartirase “Ciberseguridade, contramedidas básicas 2021 I” da man de Manuel Freire, experto universitario en robótica para explicar os posibles riscos de Internet e as  contramedidas que lles axudarán a estar máis protexidos na rede.

    Para o xoves 20 están programados> “Planifica os propósitos de 2022: mellora a túa produtividade con Trello e outras aplicacións” que tratará un binomio tan importante a día de hoxe como é o do teletraballo e a produtividade e será impartido por Fátima Faílde, posgraduada en Comuniación e Industrias Creativas. O mesmo día Esther Garcinuño, especialista en márketing e dirección comercial, conducirá un obradoiro “Aprende a promocionar a túa empresa con Pinterest” no que se dará a coñecer en profundidade esta rede social na que a imaxe o é todo.

    As persoas interesadas poden inscribirse a través do sitio web de SmartPeme na url de cada evento. Tamén é posible facelo enviando un correo ao enderezo info.smartpeme@depo.es ou no teléfono 886 202 020.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.