7.7 C
Pontevedra
Martes, 18 de Xaneiro de 2022
Máis
    HomeÉ NoticiaSanidade abre a autocita para todas as persoas sen vacinar da Covid

    Sanidade abre a autocita para todas as persoas sen vacinar da Covid

    A Consellería de Sanidade vai abrir a autocita para todas as persoas que, por diferentes motivos, non foron vacinadas. Así o anunciou o conselleiro Julio García Comesaña, durante a visita que realizou ao punto de vacinación masiva de Vigo, que está localizado no IFEVI.

    Dende onte venres, poderanse solicitar xa as citas para a semana vindeira, tanto a través da páxina web como da aplicación Sergas Móbil. Os primeiros ocos dispoñibles serán para a mocidade entre 12 e 19 anos, con 15.000 citas habilitadas para o luns día 30 e outras 10.000 para o martes 31. O venres, vacinarase a poboación de maiores de 20 anos, tantas persoas como sexa posible en función das doses que se reciban. A partires de aí, a autocita é aberta para toda a poboación.

    Neste sentido, o conselleiro de Sanidade anuncio que agora mesmo estase a traballar na replanificación da programación de vacinación da vindeira semana, logo de que esta mesma mañá o Ministerio confirmara que Galicia vai recibir só o 30% das doses de Moderna comprometidas para recibir o luns. Concretamente esta semana chegarán tan só 22.000 doses, no lugar das 70.000 previstas.

    Garçía Comesaña, que estivo acompañado na visita pola delegada territorial da Xunta en Vigo, Marta Fernández-Tapias Núñez; e o xerente da Área sanitaria de Vigo, Francisco Javier Puente Prieto; remarcou que o esforzo do seu departamento céntrase agora nas repescas e que continúan traballando arreo con todas as doses que chegan “planificando e replanificando”.

    O éxito do Plan galego de vacinación

    O conselleiro de Sanidade, referiuse tamén ao Plan galego de vacinación, ao que definiu como un éxito dos profesionais e da cidadanía. O xoves, superouse a barreira dos catro millóns de vacinas administradas, concretamente 4.011.281 doses. Para acadar estes valores, chegáronse a  administrar máis de 50.000 doses nun só día e 240.000 doses á semana, unhas cifras que poderían ter aumentado se houbese máis vacinas. O titular do departamento sanitario, quixo destacar a importancia dos 14 puntos de vacinación masiva no Plan, que permitiron administrar, rexistrar e aproveitar as doses ao máximo, aplicando unha loxística inversa que en calquera outro sitio non sería posible.

    Proba deste bo facer é que Galicia é a segunda comunidade autónoma con maior porcentaxe de poboación diana vacinada, co 79,7% con dobre pauta, cun total de 1.968.274 persoas galegas doa pauta completa. Así mesmo, Galicia ten dos mellores datos de vacinación do país,  cunhas porcentaxes de vacinación do 100% no grupo de 80 anos e maiores, do 99,7%  no de 79-70 anos,  e do 97,6% no de  60-69 anos. Así mesmo as porcentaxes son do 94,2 % no grupo de 50-59 anos, 88,5% no de 40-49 anos e do 70,4 % do de 30 a 39 anos. Ademais, máis de 300.000 persoas menores de 20 anos teñen, alomenos, unha dose da vacina contra a covid.

    García Comesaña quixo agradecer o traballo do que calificou como “magnifico” equipo de enfermería, informáticos, administrativos, persoal de loxística, transporte, Saúde Pública, … que veu recoñecido o seu labor coa Medalla de Ouro de Galicia. Ademais, lembrou que a Dirección Xeral de Saúde Pública ven de recibir unha felicitación por parte do Goberno central, “polo gran traballo realizado que está a permitir avanzar de forma excelente sobre a planificación táctica”.

    COLABORACIÓNS

    Xosé Monteagudo, «Eternity»

    Xosé Monteaguro volve a sorprendernos coa súa nova novela, «Eternity», que chega a nós avalada polo premio de narrativa breve Repsol do ano pasado. Nesta ocasión o autor indaga sobre a eterna arela de transcendencia alén da morte, pois a trama desenvólvese arredor da creación dunha empresa tecnolóxica (que presta o título ao relato), ideada para preservar a memoria dos falecidos. Un auténtico cemiterio virtual ateigado de narracións do que foron as vidas dos seus inquilinos, relatadas por familiares e amigos. Deste xeito achégase á idea da morte dende unha perspectiva diferente, pois o protagonismo está na reconstrución das vidas dos mortos, no recurso da memoria como bálsamo para aliviar a perda do ser querido.

    ¡Llega el 2022! el año de los patitos… ¡esperemos que no feos!

    Ha finalizado el año 2021, ese que todo el mundo decía que iba a ser el de la recuperación, el del adiós del dichoso Covid. Ilusos. Algunos pensaban que al comenzar el 2021, con las vacunas ya comenzando a administrarse a la población, el dichoso virus iba a desaparecer cómo un mal sueño. La realidad ha resultado ser muy diferente.

    «A nena lectora» de Manuel Rivas e «De cando o Suso foi Carteiro» de Xosé Neira Vilas, dúas ideas para a ‘carta aos Reis Magos’

    É tradición neste Andel colocar algúns libros para nenos cando chegan as datas do Nadal e este ano, por aquilo de manter as nosas vellas teimas, traemos dúas obras que de seguro farán as delicias dos máis pequenos (e dos non tan pequenos, que nunca somos demasiado vellos para deixarnos enredar por unha obra ben escrita). Pertencen a dous autores que non dubidamos en considerar clásicos: Manolo Rivas e Xosé Neira Vilas, que é tanto como dicir dúas apostas sobre seguro. Teñámolos moi presentes á hora de redactar a nosa misiva aos Reis Magos.

    Rumbo al 2022

    Todos necesitamos pulsar el botón “reset” de vez en cuando, poner un punto y final y volver a empezar de cero. Sin duda, el 1 de enero es el mejor momento, o eso dice el mundo que nos rodea.

    Colaboradores

    Alberto Aliaga Sola
    15 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    8 POSTS0 COMMENTS
    Manrique Fernández
    55 POSTS0 COMMENTS
    Paz de la Peña
    38 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS