29.9 C
Pontevedra
Mércores, 6 de Xullo de 2022
Máis
    HomeÉ NoticiaPortAmérica levantará o 2 de xuño o pano dos Rías Baixas Fest...

    PortAmérica levantará o 2 de xuño o pano dos Rías Baixas Fest 2022

    Os Rías Baixas Fest 2022 da provincia levantarán o pano do 2 ao 4 de xuño coa décima edición do PortAmérica, unha das propostas culturais máis innovadoras de Galicia e do Estado coa fusión de música, natureza e gastronomía e que neste ano regresa á normalidade trala pandemia. A Azucreira de Portas, un dos tres escenarios onde terá lugar o festival, xunto á carballeira e o recinto da Tafona en Caldas de Reis, acolleu hoxe a presentación oficial do evento, que a presidenta da Deputación cualificou de “referencia da industria musical en todo o Estado”. Carmela Silva puxo en valor o esforzo e “a extraordinaria idea” que dende hai dez anos plasma a produtora do festival, Esmerarte, baixo a dirección de Kin Martínez, así como a colaboración dos alcaldes de Portas e Caldas, Ricardo Martínez e Juan Manuel Rey “para que este evento estea no mapa da mellor cultura musical desta comarca e do Estado”.

    A presidenta subliñou que este décimo PortAmérica “vai ser espectacular e moi especial”, xa que despois de dous anos de pandemia “a xente está desexosa de ser feliz, e que dá máis felicidade que a cultura”. “Queremos rir, queremos música, gastronomía, territorio, espazo natural, queremos compromiso co medio ambiente e igualdade e felicito a este evento por promover que haxa novos valores e que sexa paritario e por facer un esforzo porque haxa mulleres visibles no ámbito da alta gastronomía -manifestou Carmela Silva-. Porque así o mundo será mellor. Con cultura e transformación, cultura e mellor vida. Iso é o que é PortAmérica”.

    Neste senso, a presidenta destacou a labor promovida desde os inicios deste festival por Esmerarte, unha mostra “do talentazo da provincia” e, de xeito máis persoal, por Kin Martínez, “un rapaz de Portas que soñaba ao grande e que fixo que tanta xente soñara con el ao grande, tanto ao sector privado como ás administracións públicas, porque é a nosa obriga apoiar estas ideas extraordinarias que nos converten nunha grande referencia”. Engadiu que PortAmérica leva promocionando o territorio “e o noso produto extraordinario de inmensa calidade, que fai da nosa cociña tradicional e avanzada das mellores do mundo, así como a mellor música” desde hai dez anos “e vai durar dez máis, e vinte e trinta anos máis, porque as grandes ideas nunca morren, crecen, e este festival o é”.

    Volveu felicitar así mesmo aos concellos de Caldas de Reis e Portas “porque apostaron por darlle pulo conxunto a esta comarca e non son palabras, son feitos”. “Precisamos xente coma eles para construír, xente do si”, destacou, ao tempo que lles agradeceu “por entender que o que importa é a pegada que deixan os eventos nos lugares, e isto deixa unha pegada inesquecible”.

    No eido musical, PortAmérica contará coas principais figuras da música galega, nacional e internacional. Arrancará o 2 de xuño con Lori Meyers, Delaporte, El Columpio Asesino, Muchachito Bombo Infierno, Natalia Lacunza, Rojuu, Cápsula, Fon Román, Grande Amore. O venres 3 de xuño actuarán WOS, Rozalén, Baiuca, Andrés Suárez, Instituto Mexicano del Sonido, Coque Malla, Arde Bogotá, Alice Wonder, La La Love You e The Parrots. E o sábado 4,  Bizarrap, Xoel López, Viva Suecia, Mikel Erentxun, Depedro, Queralt Lahoz, Lisandro Aristimuño, Amparanoia, Dengue Dengue Dengue, Serbia, Dani e Flecha Valona.

    No que atinxe ao showrocking, comisariado por Pepe Solla, reunirá a preto de corenta chefs galegos, do resto do Estado e do mundo que suman 24 estrelas Michelin e 39 soles Repsol, que converten ao festival nunha experiencia diferencial única e nunha alternativa turística singular de primeiro nivel.  Por outra banda, serán novidade as sesións vermú durante as mañás do sábado e do domingo do festival na área termal da Tafona, un espazo a carón do Río Umia en Caldas. O sábado 4 contará coa música de Marilia Monzón, Marisa Valle Roso, Santi Araujo e Pablo Lesuit e o domingo 5 con Mavica, Sarria e Igloo. Haberá tamén liñas de autobuses desde 6 das principais cidades galegas (A Coruña, Santiago, Pontevedra, Cambados, Vilagarcía e Vigo).

    Ao igual que no resto dos Rías Baixas Fest, PortAmérica contará coa participación dunha das mozas mentorizadas no programa de empoderamento do talento musical femenino da provincia Descúbreas, que a Deputación desenvolve con Regalamúsica. Amais, a institución volverá desenvolver as súas campañas de igualdade, coa presentación dun novo audiovisual e co reparto dos materiais de “Lembra! Eu decido, ti respectas” e “Conta comigo, eu respéctote” no stand que levará aos festivais.

    COLABORACIÓNS

    ¡Hogueras de San Juan!

    Ha pasado la noche de San Juan y parece que todo vuelve a la normalidad. Si, porque se han vuelto a ver grupos de gente en las playas como si el virus no hubiera existido nunca. Me pregunto, si también será culpa de Rusia que el virus hubiera desparecido, porque ya todo el mundo está actuando como si nada. ¡Ah! espera, en los hospitales sigue habiendo gente ingresada con el covid y que todos los días sigue falleciendo enfermos a causa de esta enfermedad... pero ya no es noticia porque en la prensa apenas aparece en letra pequeña.

    Marilar Aleixandre, «Unha presa de terra»

    Se fai só algunhas semanas dabamos conta neste mesmo espazo dunha reedición ampliada da novela «Sobrevivindo», coa que Arantza Portabales gañara un coñecido premio de novela por entregas organizado por un xornal galego, o que hoxe traemos é un caso que semella calcado daquel.

    Nueva oportunidad para las aguas del río Tea

    Aprovechar nuestros recursos y sacar de ellos el mayor rendimiento posible es una estrategia de gestión que conviene seguir. De manera sencilla, se trata de potenciar aquello que ya tenemos, intentando hacerlo mejor y más atractivo, sin necesidad de comprar o importar elementos nuevos o extraños. Se trata de aplicar, por tanto, la eficiencia.

    Summer is coming

    Últimamente me está costando ser constante y escribir el último domingo de cada mes (aún gracias que ser puntual fue uno de los numerosos propósitos que me marqué para este 2022), así que os dejo el texto que correspondería al mes de mayo.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    13 POSTS0 COMMENTS
    Manrique Fernández
    66 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS