20.5 C
Pontevedra
Luns, 27 de Setembro de 2021
Máis
    HomeÉ NoticiaPontevedra acada en xullo un 65 % de ocupación media nos establecementos...

    Pontevedra acada en xullo un 65 % de ocupación media nos establecementos hoteleiros

    Carmela Silva: “Trátase dun salto importantísimo con respecto a xullo de 2020, ao medrar 17 puntos, o que sitúa á provincia como un destino moi potente e resiliente”

    “Cando remate a temporada turística, Rías Baixas estará moi ben posicionada en Galicia e no conxunto do Estado” asegurou a presidenta da Deputación ao dar a coñecer os datos de ocupación do mes de xullo rexistrados polo Observatorio de Turismo Rías Baixas. En establecementos hoteleiros a ocupación media foi do 65 %, “un salto importantísimo con respecto a xullo do 2020, ao medrar 17 puntos, o que sitúa á provincia de Pontevedra como un destino moi potente e resiliente”, informou Carmela Silva.

    “Os establecementos hoteleiros de todas as comarcas –destacou a presidenta– superaron con creces os resultados acadados en xullo do 2020”. Así, a comarca de Vigo chegou ao 77 %, 29 puntos máis que o pasado ano; O Morrazo ao 76 %, 8,8 puntos máis; O Salnés ao 74 %, 23,7 puntos máis que en xullo do 2020; a comarca de Pontevedra ao 71 %, 25,7 puntos máis; o Baixo Miño chegou ao 70 %, 17,6 máis; Deza e Terra de Montes ao 55 %, 17,2 máis; O Condado e A Paradanta superaron o 53 %, 6,4 puntos máis que en xullo do 2020 e a comarca de Caldas o 50 %, 11,3 máis. No que respecta aos concellos, os establecementos hoteleiros de Vigo superaron o 81 %, os de Baiona o 80 %, os de Sanxenxo o 77 %, os do Grove o 69 % e os de Pontevedra o 68 %.

    En canto ao turismo rural, a ocupación media na provincia foi do 73,3 %, o que supón 8,8 puntos máis que en xullo do 2020. “Non medrou tanto, en comparación cos establecementos hoteleiros, pero porque as casas de turismo rural xa foron os aloxamentos que a cidadanía escolleu maioritariamente o pasado ano”. Neste eido, Baixo Miño superou o 86,5 %; O Morrazo o 84,2 %; a comarca de Caldas o 83 %; O Condado e A Paradanta o 77,7 %; a comarca de Pontevedra o 67,2 %; a de Vigo o 66 %; O Salnés o 64 % e Deza e Terra de Montes o 58 %. Pola súa banda os cámpings rozaron o 61 % de media provincial, sendo a ocupación do 71,2 % na comarca do Morrazo, do 70 % no Salnés, O Condado e A Pardanta, do 60 % na zona de Vigo e do 31 % no Baixo Miño.

    As vivendas turísticas acadaron unha media provincial en xullo do 88 %, 20 puntos por riba do obtido no mesmo mes do 2020. Neste tipo de establecementos a provincia de Pontevedra foi a que concentrou a maior ocupación de Galicia, con visitantes procedentes maioritariamente de Asturias, Castela e León e o País Vasco.

    En canto ás visitas ao Castelo de Soutomaior, os datos son “sobresalientes e amosan –tal e como asegurou Carmela Silva– que as iniciativas que estamos impulsando é o que a cidadanía demanda”. Así, en xullo de 2021 visitaron Soutomaior 5.275 persoas o que supón 3.102 máis que en xullo do 2020, e mesmo un incremento do 34 % con respecto a 2019, cando se achegaron ao recinto 3.933 persoas.

    No que respecta ao perfil das persoas que acoden ás oficinas de información turística da Deputación foron maioritariamente españolas (94 %) procedentes de Madrid, Barcelona, Bizkaia e Asturias. En canto ás persoas estranxeiras (6 %) proveñen maioritariamente de Francia, Portugal, Alemaña, Estados Unidos e Italia. A media de idade entre os 35 e 60 anos e permanecen na provincia entre 7 e 15 días motivadas/os pola oferta de ocio e cultura.

    Previsións para agosto

    “Hai que facer as estimacións con todas as cautelas”, asegurou a presidenta ,recordando que “a pandemia cambiou os hábitos das persoas e as reservas prodúcense con moi poucos días antes de viaxar, que a situación e moi variable e que a climatoloxía tampouco esta á axudar”. Sen embargo, nestes momentos, o Observatorio prevé unha ocupación en establecementos hoteleiros da provincia superior ao 71 %. Espéraseun 80 % na comarca de Vigo; de preto do 79 % no Morrazo; no Baixo Miño do 76 %; do 72,4 % no Salnés; do 72,1 % na comarca de Pontevedra; nas comarcas do Condado e da Paradanta superior ao 71,6 %; do 63 % na comarca de Caldas; e en Deza e Terra de Montes por riba do 60 %.

    Xa no que respecta a concellos no mes de agosto agárdase que os establecementos hoteleiros de Vigo cheguen ao 75,4 %, de Sanxenxo ao 63,6 %, de Pontevedra ao 63 %, do Grove ao 62,9 % e de Baiona ao 60 %.

    Pola súa banda os establecementos de turismo rural da provincia esperan unha ocupación do 80,1 % en agosto. Agárdase un 92 % no Baixo Miño; 89,4 % no Morrazo; do 85 % na comarca de Caldas; superior ao 81 % nas comarcas do Condado e da Paradanta; 75,4 % no Salnés; do 75,2 % na comarca de Pontevedra; do 74,4 % en Deza e Terra de Montes; e do 68,3 % na comarca de Vigo. Nos cámpings a estimación é do 65,5 % de media na provincia, chegando ao 80 % no Condado e A Paradanta, ao 78 % en Vigo, ao 69,5 % no Morrazo, ao 61 % no Salnés e ao 39 % no Baixo Miño. No caso das vivendas turísticas agárdase un 90 % de ocupación.

    Campaña ‘É o teu momento’: 13 millóns de impactos

    A presidenta da Deputación tamén puxo en valor os “espectaculares” datos da campaña de promoción ‘É o teu momento’, que en xuño e xullo acadou ata 13 millóns de impresións, con máis de 2,4 millóns de visualizacións completas dos vídeos e 46.000 clics nos anuncios. “A nosa promoción segue chegando cada vez a máis persoas o que nos permite seguir posicionando o destino pontevedra provincia”, subliñou Carmela Silva.

    No pasado mes de xullo a Deputación desenvolveu u a campaña entre os días 12 e 25 de xullo conseguindo máis de 5,4 millóns de impactos nas redes sociais e medios de comunicación dixital. Durante este período leváronse a cabo tres tipos de anuncios: en vídeo a través de YouTube, Facebook, Instagram e Twitter que sumou os 2,6 millóns de impactos; un carrusel fotográfico en Facebook e Instagram con máis de 1,1 millóns de impactos; e un banner en medios de comunicación dixital que acadou os 1,7 millóns de impactos. En total xeráronse preto de 20.000 clics nos anuncios e detectouse un incremento nas visualizacións completas do vídeo promocional.

    COLABORACIÓNS

    Receta saludable de veroño

    Primer domingo de otoño y último del mes de septiembre; con este día gris damos por terminada la temporada estival. Confío en que estéis preparados, y sobre todo mentalizados, para iniciar el año escolar con ganas (soy de las que siente que cuando llega septiembre comienza un “nuevo curso”, aunque ya hayan pasado años desde que terminé la universidad).

    Andreia Costas, «Corazón de vaca e outras vísceras»

    «Corazón de vaca e outras vísceras» é a primeira achega individual de Andreia Costas ao mundo da narrativa, logo de participar con éxito en varios certames de relato e de poesía e nalgúns libros colectivos.

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    45 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS