23.5 C
Pontevedra
Sábado, 13 de Xullo de 2024
Máis
    HomeÉ NoticiaObradoiro infantil de vendima, este sábado, no Castelo de Soutomaior

    Obradoiro infantil de vendima, este sábado, no Castelo de Soutomaior

    Imaxe de arquivo de vendima no Castelo de Soutomaior

    A Deputación de Pontevedra organiza este sábado 2 de setembro ás 11:30 horas no Castelo de Soutomaior un obradoiro infantil que permitirá aos cativos converterse en vendimadores por un día. A actividade, que forma parte do programa “Mouras e Meigas no Castelo de Soutomaior”, ten as prazas esgotadas. A proposta consistirá nun taller no que colleitarán os diferentes tipos de uvas e as pisarán para facer o mosto. Desta maneira, os rapaces terán a posibilidade de recorrer os viñedos do Castelo e coñecer a fondo cales son todos os procesos que interveñen na elaboración dos caldos.

    “Mouras e Meigas no Castelo de Soutomaior” é unha programación de 30 actividades con visitas teatralizadas, obradoiros, contacontos e roteiros para familias con nenos baseadas nas lendas, os oficios tradicionais e as tradicións da provincia. Ao longo dos últimos meses, as familias puidéronse achegar á mitoloxía popular da provincia, aos xogos tradicionais, os oficios artesanais, os seres mitolóxicos ou tradicións como os maios ou as herbas de San Xoán. Agora, quedan dúas actividades máis enmarcadas neste programa: o vindeiro 28 de outubro, ás 16:30 horas, terá lugar a celebración do Samaín, na que os participantes se introducirán no máxico mundo desta festa e coñecerán as árbores e froitos máis típicos desta época, e o 4 de novembro, á mesma hora, chegará o Magosto, cunha ruta polos bosques do castelo para recoller castañas e facer un magosto tradicional.

    As entradas para as actividades están dispoñibles en entradas.castelodesoutomaior.com, a un prezo único de 8 € (que inclúen a entrada ao Castelo, valorada en 5 €), e cada actividade conta cun total de 30 prazas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.