16.6 C
Pontevedra
Venres, 14 de Xuño de 2024
Máis
    HomeÉ NoticiaObradoiro infantil de cociña, este sábado, no Castelo de Soutomaior

    Obradoiro infantil de cociña, este sábado, no Castelo de Soutomaior

    A Deputación de Pontevedra organiza este sábado 19 de agosto ás 11:30 horas no Castelo de Soutomaior un obradoiro infantil de cociña para recuperar a tradición da queixería da fortaleza na época da súa dona María Vinyals (finais do século XIX e principios do XX). A actividade, que forma parte do programa “Mouras e Meigas no Castelo de Soutomaior”, ten as prazas esgotadas.

    A proposta consistirá nun taller no que a rapazada aprenderá a elaborar manteiga e queixo fresco cunha receita tradicional. No primeiro caso, os monitores iranlles guiando na forma de bater a nata ata separala, darlle forma e aromatizala para elaborar a manteiga. No que atinxe ao queixo, axudaranlles no proceso de ferver o leite con vinagre e sal para logo, unha vez callado, botalo nun pano e darlle forma. Todos os participantes poderán levar unha porción de manteiga ou o seu queixo para degustalo na casa. O taller está impartido pola empresa ‘Donde viven los Cuentos’.

    “Mouras e Meigas no Castelo de Soutomaior” é unha programación de 30 actividades con visitas teatralizadas, obradoiros, contacontos e roteiros para familias con nenos baseadas nas lendas, os oficios tradicionais e as tradicións da provincia. As familias pódense achegar á mitoloxía popular da provincia, aos xogos tradicionais, os oficios artesanais, os seres mitolóxicos ou tradicións como os maios, as herbas de San Xoán, a vendima ou o Samaín. Ofértanse 360 prazas e neste momento tan só quedan entradas dispoñibles para a celebración do Magosto prevista o sábado 4 de novembro.

    Ademais de “Mouras e Meigas no Castelo de Soutomaior”, a Deputación organiza este ano 68 sesións de visitas guiadas todos os luns e os venres ata finais de agosto. Tamén se celebrarán versións temáticas por Samaín en outubro (para persoas adultas os venres e os sábados de todo o mes, e infantís os sábados e os domingos) e polo Nadal (do 6 ao 10 de decembro). As entradas para todas as actividades están dispoñibles en entradas.castelodesoutomaior.com, a un prezo único de 8 € (que inclúen a entrada ao Castelo, valorada en 5 €), e cada actividade conta cun total de 30 prazas.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.