10.4 C
Pontevedra
Xoves, 28 de Marzo de 2024
Máis
    HomeÉ NoticiaO turismo na provincia de Pontevedra outra vez récord esta Semana Santa

    O turismo na provincia de Pontevedra outra vez récord esta Semana Santa

    Os resultados foron nalgunhas localidades un 15% superiores á Semana Santa do 2019

    Esta Semana Santa a afluencia de visitantes e turistas volveu bater récords na provincia de Pontevedra, chegando a rexistrar unha ocupación media do 80% nos establecementos hoteleiros que mesmo superou os rexistros do 2019. Os espectaculares datos que recolle o Observatorio de Turismo da Deputación de Pontevedra supoñen vinte puntos máis do previsto para establecementos hoteleiros e dez puntos máis para vivendas turísticas, chegando a ser, nalgunhas localidades, un 15% superiores á Semana Santa do 2019.Nos establecementos de turismo rural a porcentaxe situouse en toda a provincia por riba do 70%, mantendo a cifra estimada antes dos festivos.

    A comarca que rexistrou a maior porcentaxe de ocupación en establecementos hoteleiros foi a de Vigo, que superou o 80%. Neste comarca destacan os resultados da cidade de Vigo que se situaron entre o 85 e o 90% ou os de Baiona que chegaron ao 80%. Sigue á comarca viguesa a do Morrazo, que chegou ao 78% e a do Salnés que superou o 76%. Neste último caso, concellos como O Grove superaron o 86% de ocupación hoteleira e Sanxenxo rexistrou mesmo o 87% en hoteis de maior número de estrelas. No caso da comarca de Caldas a porcentaxe situouse no 74% e na de Pontevedra no 73, superando o 85 en cidades como Pontevedra. As comarcas do Condado e da Paradanta chegaron ao 72%, O Baixo Miño ao 70% e Deza e Terra de Montes rozou o 65%.

    Pola súa banda, nas vivendas turísticas da provincia a ocupación foi tamén mellor do previsto, superando o 92% o que supón 12 puntos máis que o estimado antes da Semana Santa. Esta porcentaxe media provincial foi superada en localidades como Sanxenxo ou Cangas que chegou ao 100% entre o xoves e o domingo. Nestes establecementos aloxáronse principalmente persoas de Asturias, Castela e León e do Norte de Portugal.

    En canto aos establecementos de turismo rural a ocupación chegou ao 70% de media na provincia de Pontevedra, sendo de case o 100% no Baixo Miño, do 73% na comarca de Caldas, do 71% no Salnés, do 70% no Morrazo, do 68% na comarca de Pontevedra, do 60% na de Vigo, do 65% no Condado e A Paradanta e do 58% en Deza e Terra de Montes.

    Castelos e persoas visitantes

    Durante a Semana Santa achegáronse aos castelos musealizados pola Deputación de Pontevedra na provincia 1.884 persoas. 1434, 144 máis que no 2021, fixérono a Soutomaior e 450 acudiron ao castelo de Sobroso, que estreou musealización dixital, esgotando todas as prazas para desfrutar das xornadas de portas abertas.  A fortaleza do Condado volverá a abrir as portas ás visitas nos primeiros días de maio.

    En canto ás persoas que visitaron o destino Pontevedra Provincia durante a Semana Santa do 2022 proviñan principalmente do Estado e en concreto de Madrid, Vizcaya e Barcelona. En canto ás/aos turistas estranxeiros procederon de Portugal, Alemaña, Francia, Colombia, Estados Unidos e Reino Unido. Todas e todos eles tiñan maioritariamente entre 35 e 60 anos, aloxáronse en hoteis durante 4 e 6 días e acudían á provincia motivadas por aspectos relacionados coa cultura.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.