13.5 C
Pontevedra
Mércores, 1 de Decembro de 2021
Máis
    HomeÉ NoticiaO redondelán Samuel Blanco, campión de España de ciclismo en ruta na...

    O redondelán Samuel Blanco, campión de España de ciclismo en ruta na categoría elite, entrega o seu maillot á Deputación

    Gorka Gómez considera un orgullo patrocinar a un equipo como o 'Supermercados Froiz' e valora o trunfo do ciclista redondelán como un augurio do seu inminente salto ao profesionalismo

    Samuel Blanco, o ciclista de Redondela que vén de proclamarse campión de España en Ruta na modalidade elite (afeccionado) durante a proba celebrada recentemente en Xaén, estivo hoxe na Deputación para entregar o maillot ao deputado de Deportes Gorka Gómez. Ao acto, no que tamén participaron os deputados Laura Iglesias, Olga García e Manuel González, asistiu ademais o director deportivo do Supermercados Froiz, Evaristo Portela, e a directora de comunicación do equipo, Ana Portela.

    Gorka Gómez destacou o valor do noveno posto na clasificación absoluta dunha esixente proba que encabezou Luis León Sánchez e na que Blanco entrou por diante de ciclistas que hoxe están disputando o Tour de Francia. Un fito que de por si xustifica toda a temporada e que súmase ao segundo posto conseguido semanas antes na Volta a Zamora. Despois destes logros, engadiu o deputado de Deportes, Samuel queda moi ben posicionado para dar o salto, nun breve tempo, ao profesionalismo, “cousa que, sendo redondelán, non pode nin dubidarse”.

    O deputado de Deportes, que desculpou á presidenta da Deputación, Carmela Silva, quen non puido asistir por ter outro compromiso institucional, subliñou especialmente o feito de que Samuel, que sufriu unha aparatosa caída na Volta a Cantabria o pasado xoves, xa parece estar completamente recuperado. “Acábame de dicir que vai correr a Volta a Galicia, o que demostra que os ciclistas están feitos doutra pasta”. Ademais, quixo recoñecer os seus valores humanos por terlle dedicado a vitoria no Campionato de España á súa avoa, falecida hai poucas datas.

    O responsable provincial de Deportes puxo en valor a todo o equipo Supermercados Froiz e os éxitos que está a conseguir nun ano extraordinariamente complexo por mor da covid19 e aproveitou para anunciar a continuidade do patrocinio ao equipo pontevedrés, que é emblema do ciclismo afeccionado en España. “Estamos encantados de que levedes o nome da Deputación no maillot”.

    Samuel Blanco agradeceu o apoio da Deputación por apoiar ao ciclismo nun ano tan difícil, no que se están a suspender numerosas probas. En canto á vitoria no Campionato de España cualificouna como “un trunfo traballado” tralo sacrificio que supuxeron as concentracións en altura. Adiantou que a súa cabeza está xa na Volta a Galicia e fixo votos para poder volver en breve ao Pazo Provincial para ofrecer outro maillot de gañador.

    Evaristo Portela, director deportivo do equipo, afirmou que cando vén á Deputación séntese como na súa casa e amosouse encantado co rendemento do equipo neste ano e, especialmente, con Samuel Blanco. “Este trunfo foi un momento apoteósico e quixemos compartir a felicidade que sentimos coa Deputación, que sempre nos apoia”.

    COLABORACIÓNS

    Treinta otoños tiene mi amor

    Último domingo del mes y cada vez más cerca de la Navidad, aunque en Vigo ya la tenemos muy presente desde hace una semana gracias a las más de diez millones de luces led que iluminan la ciudad.

    Ponteareas deportiva

    Los núcleos más importantes de población concentran el grueso de las pruebas deportivas que se celebran a lo largo del año. Es lógico, las infraestructuras para la práctica de deporte forman parte del paisaje de grandes urbes, mientras ciudades pequeñas y pueblos tienen limitado el acceso a gimnasios, pistas, pabellones y piscinas.

    Domingo Villar, «Algúns contos completos»

    Domingo Villar é un dos escritores galegos de maior sona grazas ás súas novelas policiais protagonizadas polo inspector Leo Caldas. Pero o que agora nos presenta neste volume é unha faciana moi diferente daquela á que nos ten acostumados. Nesta entrega non hai crimes, nin intriga, nin tramas reviradas, nin atisbo algún de narración policial nin de literatura negra. Trátase dun proxecto moito máis persoal e cercano, un pequeno capricho feito á medida del e do seu círculo máis íntimo.

    ¡Galicia profunda!

    Hace unas semanas, Galicia saltó a la palestra por el dictamen de una jueza de Marbella que le retiró la custodia de un hijo a su madre por llevárselo a vivir a la "Galicia profunda". Tengo que reconocer que no he leído el auto y por lo tanto quiero pensar que una persona como una jueza, a la que se presupone cierto nivel cultural y un cierto grado de sentido común, que haya incluído esos términos en el mismo, ha sido un desliz. De ser un acto meditado demuestra el grado de ignorancia existente en éste país.

    Colaboradores

    Alberto Aliaga Sola
    14 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    7 POSTS0 COMMENTS
    Manrique Fernández
    49 POSTS0 COMMENTS
    Paz de la Peña
    36 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS