12.5 C
Pontevedra
Domingo, 29 de Xaneiro de 2023
Máis
    HomeÉ NoticiaO Museo enche de música as ruínas de San Domingos no concerto...

    O Museo enche de música as ruínas de San Domingos no concerto ‘Gromos’

    O espectáculo será este venres ás 21 horas con entrada libre ata completar capacidade

    O Museo de Pontevedra vai encher de música este venres o seu edificio máis antigo, as Ruínas de San Domingos, cun concerto titulado ‘Gromos’ a cargo dunha formación exclusiva liderada Ábe Rábade no piano e a composición, Davide Salvado na voz e percusión, Jimena Andión no cello e Pablo Martín Carnicero no contrabaixo.

    Será un recital no que se poderán escoitar coplas e melodías populares relacionadas coa vexetación autóctona de Galicia que funden o rural e o urbano, “un mapa sonoro de especies vexetais que guía ao oínte por un bosque mixto: o jazz contemporáneo, a tradición musical galega e a orquestración colorista”. Trátase de pezas tradicionais e outras orixinais “cun pé na música tradicional galega”, di o compositor.

    Cada creación que se tocará en ‘Gromos’ estará dedicada a unha árbore, froita, semente, flor ou conxunto de especies: Freixo, Amor de raíz, Amores de ponla, Maneo do Tempo, Narciso, Castaña, Teixo, Menciñeira núa e Alalá fugado& Carballesa de Duír.

    O proxecto ‘Gromos’ supón a estrea da nova parte do próximo disco de Abe Rábade titulado ‘Botánica’, un traballo máis grande e global, que se gravará en Madrid no mes de xuño e que se completará coa parte xa coñecida –presentada en Londres- e centrada no jazz baixo o nome de ‘Seeds’ (sementes).

    Na actuación en Pontevedra xuntaranse catro músicos Abe Rábade, Davide Salvado (do mundo da música tradicional), Jimena Andión (do mundo da música clásica), e Pablo Martín Caminero (do mundo do flamenco-jazz) nunha formación exclusiva para o concerto das Ruínas de San Domingos, sen ter bagaxe previo como banda. No novo disco converxerán estas e estes catro intérpretes tocando a parte máis tradicional e étnica do repertorio xunto a outros catro diferentes para a parte máis jazzística de ‘Seeds’. A asistencia ao concerto do Museo, que será o venres 6 ás nove da noite nas Ruínas de San Domingos, será por entrada libre ata completar capacidade.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS