14 C
Pontevedra
Sábado, 15 de Maio de 2021
Máis
    HomeÉ NoticiaO Museo de Pontevedra renovará a súa imaxe corporativa cun concurso de...

    O Museo de Pontevedra renovará a súa imaxe corporativa cun concurso de ideas

    O Consello Asesor mantivo hoxe a súa primeira reunión, na que tamén se apostou por aproveitar sinerxias co Camiño Portugués

    O Museo de Pontevedra terá unha nova imaxe corporativa. Así se acordou hoxe na primeira reunión do Consello Asesor, quen resolveu por unanimidade renovar a identidade visual da institución para reflectir o momento de cambio e apertura que están a darse na institución así como para corrixir as súas actuais disfuncionalidades de uso.

    O vicepresidente César Mosquera compareceu nun receso para dar conta dos asuntos a tratar na orde do día (a reunión durou catro horas) e manfiestou o seu entusiasmo porque por parte do Consello Asesor “aflora unha ilusión, unha participación e implicación absolutamente extraordinaria”, xa que están a achegar “cantidade de ideas”.

    Segundo dixo o nacionalista, a unanimidade dos conselleiros (a arqueóloga Beatriz Comendador, o empresario das industrias culturais Kin Martínez, a directora de Esdemga Lola Dopico, o crítico de arte Ramón Rozas, a arquitecta Teresa Táboas e o pedagogo e escritor Xaime Toxo – a artista Menchu Lamas non puido acudir-) teñen a “sensación xeralizada de que ao Museo hai que darlle un cambio moi profundo”.

    Mosquera indicou que a transformación do Museo xa está en marcha coa nova dirección pero debe seguir materializándose. “O pasado, pasado está. Temos unha historia coas súas súas luces e sombras. Herdamos un museo que é o máis importante de Galicia e dos máis importantes do Estado e esa é a base, pero hai que darlle un novo impulso. Niso hai total acordo”, insistiu.

    Tamén neste sentido se manifestou o director Xosé Manuel Rey, quen destacou o “carácter proactivo” do Consello Asesor e a súa satisfacción ao ver a implicación coa que se tomou a reunión. “Fixemos un repaso sobre o Plan Xeral de Actuación para que puideran transmitir cara a onde avanzar”, dixo o responsable do Museo, quen engadiu que “pola traxectoria dos integrantes do Consello xa o podía imaxinar, pero formamos parte dunha mesma visión, estamos traballando nunha liña de coherencia moi grande” sobre o Museo.

    Identidade visual

    En canto á modificación da identidade visual do Museo, Mosquera sinalou que é preciso “poñer un punto de ruptura e cambiar a imaxe” creándoa prácticamente dende cero. Sinalou que esta “case non existía”, xa que ata o de agora se estaba a utilizar un debuxo de Alejandro de la Sota do ano 1942 que non fora creado como logo e que presenta certas disfuncionalidades.

    Para a renovación e a potenciación da comunicación exterior do Museo abrirase un concurso de ideas entre deseñadores. O propio consello irá seleccionando as mellores propostas en fases ata chegar ao resultado final. “Isto non quere dicir que a decisión se eternice. Se pode ser en semanas que non sexan meses. Se cadra en tres catro meses deberíamos ter a nova imaxe”, subliñou o vicepresidente.

    O director do Museo destacou que a día de hoxe está aberta unha tormenta de ideas sobre cara a onde debe ir a nova identidade visual. Ao seu entender, entre outros aspectos, “debería reflectir dende o punto de vista conceptual este momento de renovación do Museo e dese pulo cara ese Museo máis social sobre no que veño insistindo dende hai bastante tempo”, subliñou.

    Outro dos aspectos que se abordou no primeiro encontro do Consello Asesor do Museo foi a aposta por converter o Museo nun referente do Camiño Portugués, unha potencialidade nova que permitirá abrirse aínda máis á sociedade. “Temos que aproveitar sinerxias dun Camiño Portugués que está en auxe, e Pontevedra e o Museo son un espazo fundamental nese camiño. Hai que aproveitar a oportunidade”, dixo Mosquera.

    “A idea na idea é que Pontevedra é un área de paso importantísimo e que é preciso sumar ao Museo a esa idea, e reforzar a vinculación da cidade, dese punto nodal no Camiño Portugués”, insistiu o director.

    Asimesmo, na reunión –que rematou sobre as 14.30 horas– falouse tamén da rehabilitación dos edificios centrais, da creación do novo centro de arqueoloxía de Valdecorvos e da programación do 2020.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS