12.4 C
Pontevedra
Mércores, 21 de Febreiro de 2024
Máis
    HomeÉ NoticiaO Museo de Pontevedra celebra o Día de Defuntos cunha lectura libre

    O Museo de Pontevedra celebra o Día de Defuntos cunha lectura libre

    O Museo de Pontevedra celebra este ano un Día de Defuntos moi especial, con Quico Cadaval e Celso Fernández Sanmartín lendo de maneira libre Un ollo de vidro. Memorias dun esquelete. Será un espectáculo único creado para a ocasión, na que dous dos narradores galegos actuais máis destacados farán a súa propia lectura dun dos textos máis populares de Castelao. A cita é o mércores 2 de decembro ás 19.00 horas no Edificio Castelao, con entrada de balde ata completar aforo.

    Un ollo de vidro. Memorias dun esquelete é un texto en prosa publicado na colección Céltiga de novelas breves en 1922, hai xusto cen anos. Nel Castelao exhibe o seu concepto do humor a través dunha serie de historias breves fiadas polo narrador, un esqueleto, e os seus compañeiros de cemiterio. Dentro da colección de case 2.000 obras de Castelao que conserva o Museo, figura unha edición orixinal autógrafa, bosquexos, estudos e probas dos gravados que incluíu no libro, así como un cartel anunciando a súa publicación.

    Sobre este texto construirán a súa narración Quico Cadaval e Celso F. Sanmartín. Cadaval é un actor, director e adaptador teatral, cunha longa traxectoria e un amplo recoñecemento, tanto popular como no ámbito académico. É un dos máximos responsables do auxe dos contacontos ou narradores de historias en Galicia a partir da década dos 90.

    Pola súa parte, Sanmartín é poeta e narrador, tamén cunha gran experiencia sobre as táboas e no desenvolvemento de proxectos sociais e culturais. Destaca a calidade coa que traslada á escena a memoria cultural e o saber popular, especialmente das persoas maiores, coas que traballou frecuentemente.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.