10.8 C
Pontevedra
Martes, 19 de Marzo de 2024
Máis
    HomeÉ NoticiaO Museo de Pontevedra anima á rapazada a 'achegar' a súa casa...

    O Museo de Pontevedra anima á rapazada a ‘achegar’ a súa casa pezas da exposición ‘Debuxantas, pioneiras da ilustración’

    O Museo de Pontevedra segue a aumentar a súa oferta de actividades para facer na casa e no día de hoxe difundirá na súa páxina web, http://www.museo.depo.gal unha iniciativa para que a rapazada coñeza máis fondamente a algunhas das autoras da exposición ‘Debuxantas, pioneiras da ilustración’ e mesmo transforme pezas da mostra de maneira personalizada.

    A proposta, enmarcada dentro da iniciativa ‘O Museo en Familia’, consiste en facer diversas manualidades con varias das ilustracións que estes días colgan nas salas do Museo sen que ninguén as poida visitar presencialmente. A primeira actividade é crear portalapis ou caixas personalizadas con debuxos de tres ilustradoras (a.t.c., Viera Sparza e Xelia) con materiais sinxelos: é preciso imprimir os modelos a disposición na páxina web do Museo os modelos, colorealos, recortar a silueta e dobrar as pestanas para despois encolalas e unilas. Podedes descargalo nesta ligazón.

    Por outra banda, tamén se propón achegar á casa dúas pezas da ilustradora Ana María Badell Lapetra (Santander, 1932-2014) para darlle vida coloreándoas con colores propios diferentes ás da creadora (pódese descargar dende este enlace). Esta muller, a pesares do seu talento, só puido desenvolver as súas capacidades artísticas a través da ilustración debido ao momento no que lle tocou vivir, no que non estaba ben visto que as mulleres foran artistas. Escribiu varios libros e contos, entre os que destacan os de ‘Quinita la trapisonda’, que ela mesma ilustrou e que foron publicados pola revista Blanco y Negro entre 1958 e 1959 e hoxe se conservan no Museo ABC. Os debuxos que se propoñen para dar color son os titulados como ‘Quinita va a ver a su abuela’ e ‘Jaula de fieras’, ambos de 1958.

    A exposición ‘Debuxantas, pioneiras da ilustración’ exposta no Museo de Pontevedra contén 136 obras de 40 mulleres artistas que traballaron para a revista Blanco y Negro e ABC dende a súa fundación en 1891 ata 1903, respectivamente, ata finais dos anos 90 do século pasado. Unha das curiosidades desta mostra é que a palabra ‘debuxanta’ non está recollida agora no diccionario da RAG nin ‘dibujanta’ no diccionario da RAE, pero escolleuse en memoria do ‘I Salón de Dibujantas’ que tivo lugar en Madrid en 1931 organizado polo Lyceum Club feminino da cidade. Se queres saber máis sobre esta interesante exposición, preme esta ligazón.

    A pesares dos contactos da dirección do Museo para poder prolongar a mostra máis alá da súa data de peche inicial en Pontevedra –17 de maio– o máis probable é que non sexa posible. Xa existen outros destinos axendados para a exposición noutras localidades a partires de finais do mes de maio, e todo indica que a situación de confinamento pola crise sanitaria actual será prolongada máis alá do previsto e a apertura de espazos públicos realizarase de maneira paulatina, o que impediría unha ampliación para o público da cidade do Lérez.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.