19.4 C
Pontevedra
Xoves, 29 de Setembro de 2022
Máis
    HomeÉ NoticiaO Museao presenta unha colección de publicacións "esenciais" sobre os seus fondos...

    O Museao presenta unha colección de publicacións “esenciais” sobre os seus fondos más importantes

    ‘Castelao no Museo de Pontevedra’ é o primeiro volume, ao que seguirá outro sobre o Tesouro de Caldas

    O Museo de Pontevedra presentou onte unha nova colección de publicacións denominada ‘Esenciais’ que pretende divulgar de maneira amena e alcanzable información sobre os seus fondos e temáticas máis importantes. O primeiro exemplar está dedicado a Castelao, figura destacada no nacemento do Museo e a única á que a entidade ten dedicadas de forma monográfica dúas salas expositivas como artista.

    O libro, titulado ‘Castelao no Museo de Pontevedra’, foi dado a coñecer hoxe  nunha presentación na que participaron o vicepresidente César Mosquera, o director do Museo Xosé Manuel Rey, a responsable de Publicacións Ángela Comesaña e o coordinador de Difusión e Contidos Divulgativos e autor dos textos, José Manuel Castaño.

    As publicacións da colección están pensadas para un público non especialista e editaranse nun formato manexable e cómodo, cun deseño atractivo e sinxelo, que terá entre as máis de 100 páxinas do primeiro volume e as 20 ou 30 dos seguintes títulos. Cada dez exemplares monográficos porase a disposición unha caixa contedora para as persoas que os queiran coleccionar. Os idiomas dispoñibles serán o galego, o español e o inglés, “para saír ao mundo máis internacional”, en palabras de Ángela Comesaña. A saída á rúa iníciase cunha tirada de 500 exemplares en galego que moi probablemente precisen dunha reedición. O prezo para o público será de dez euros.

    O vicepresidente César Mosquera asegurou que con esta colección o Museo colócase á vangarda de algo que está esquecido no mundo da arte, que é a unificación do rigor científico e o coidado da parte divulgativa. Destacou que o título de ‘Esenciais’ é moi acertado porque abordaranse os fondos máis importantes da colección do Museo achegando a información máis básica e importante de cada un deles. “Facer publicacións así é un eixo incluído no Plan estratéxico do Museo. Esta é a liña pola que hai que seguir e avanzar. Entre a comunicación pura -como é deseñar unha nova imaxe para o Museo- e a investigación rigorosa hai un grande campo que abordar”, sinalou.

    Pola súa banda, o director Xosé Manuel Rey, salientou que ‘Esenciais’ xorde do desexo de renovación da política editorial que vén levando adiante o Museo e que quere dar pulo tanto aos soportes tradicionais como a xerar novas narrativas sobre as coleccións propias. Neste sentido destacou que, ademais de na colección de monografías, estase a traballar na dinamización da revista que edita o Museo desde 1942 e que tivo unha “estocada” en 2008.

    Sobre a nova colección, Rey sinalou que quérese avanzar na comunicación científica de maneira amable que “debe estar presente de maneira irrenunciable en calquera Museo moderno”. Subliñou que as autoras e autores das monografías serán persoal especializado tanto propio do Museo como alleos co fin de achegar as voces máis autorizadas ao público. Destacou neste sentido que está en marcha o segundo número de ‘Esenciais’, que versará sobre o Tesouro de Caldas.

    O coordinador de Difusión e autor dos textos de ‘Castelao no Museo de Pontevedra’, José Manuel Castaño, explicou que o autor rianxeiro é o protagonista da primeira publicación da nova serie de ’Esenciais’ porque, xunto aos fondos arqueolóxicos, son as ‘chaves’ no eido educativo da institución. Subliñou que o texto busca presentar ao autor non de forma cronolóxica, senón en función de como están artelladas as salas dedicadas a el no Museo, para que aquelas persoas que viron a sala, as que a van ver por primeira vez, ou as que queiran repetir, poidan facer unha composición de lugar de como está estruturada a súa colección visible, ademais de tamén coñecer parte dos fondos que están nas salas de reserva lonxe da vista do público.

    Os capítulos nos que se divide o libro de Castelao son: Castelao no Museo de Pontevedra, O Álbum Nús, A viaxe de 1921, Castelao e a Sociedade Polifónica, Castelao viñetista, Castelao artista e escritor, As cruces de pedra, Castelao e o cartelismo e Os álbumes de guerra.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS