13 C
Pontevedra
Martes, 19 de Marzo de 2024
Máis
    HomeÉ NoticiaO director do Museo de Pontevedra intervén nun curso sobre conservación de...

    O director do Museo de Pontevedra intervén nun curso sobre conservación de arte rupestre

    O director do Museo de Pontevedra, José Manuel Rey, participou onte na primeira xornada do curso ‘Documentación e conservación da arte rupestre: artes prehistóricas e perspectivas presentes’, organizado pola Universidad Internacional Menéndez Pelayo e o comité español de ICOMOS en Huesca.

    A intervención do director do Museo leva por título ‘A xestión integrada dos gravados rupestres ao aire libre: experiencias inspiradoras en Europa’. Nela exporá como a preservación e socialización dos gravados rupestres ao aire libre é un dos grandes desafíos aos que se enfrontan os profesionais da arqueoloxía e a museoloxía. Rey aposta pola adopción de modelos de xestión integrada que aglutinen saberes, habilidades e competencias procedentes de diferentes disciplinas para garantir unha xestión eficiente e sostible.

    Como parte da súa exposición, o responsable do museo provincial dará conta das principais experiencias de éxito desenvolvidas en Europa e como estes se basean, en maior ou menos medida, na adopción dunha visión multifocal. Esta permite asegurar unha preservación da colección rupestre e, ao mesmo tempo, socializar o seu goce e satisfacer o acceso da cidadanía nas mellores condicións posibles. O Museo de Pontevedra está a consolidarse como un lugar de referencia dentro da Arte Rupestre. Dende hai dous anos forma parte do Itinerario Cultural do Consello de Europa ‘Camiños de Arte Rupestre Prehistórica’ (CARP), a maior rede internacional para a cooperación en torno á arte dos primeiros humanos europeos, que reúne nestes momentos máis de 150 dos principais destinos de arte rupestre abertos ao público.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.