6.5 C
Pontevedra
Domingo, 29 de Xaneiro de 2023
Máis
    HomeÉ NoticiaO Comité Provincial do PSdeG-PSOE pon a vista nas próximas municipais para...

    O Comité Provincial do PSdeG-PSOE pon a vista nas próximas municipais para repetir vitoria “e que a provincia continúe progresando”

    David Regades: “A nosa grandeza son os case 200.000 votos que logramos en 2019; estamos a ano e medio das Municipais e volveremos ser primeira forza”

    O PSdeG-PSOE da provincia de Pontevedra celebrou o seu Comité Provincial, máximo órgano de Congresos, nun acto que tivo lugar nos xardíns da UNED en Pontevedra. As e os socialistas da provincia convertéronse así nos primeiros de Galicia en reunirse presencialmente este ano e comezaron, deste xeito, a preparación das próximas Eleccións Municipais a un ano e medio vista. O obxectivo é reeditar o éxito de 2019, cando as candidaturas socialistas acadaron case 200.000 votos e 23 alcaldías.

    O comité, que comezou cun minuto de silencio polo recente pasamento da deputada autonómica Isaura Abelairas, comezou coa intervención do secretario xeral provincial, David Regades, quen aludiu ás enquisas “publicadas e non publicadas” que vaticinan unha nova vitoria do PSdeG nos próximos comicios municipais. “Temos a Feijoo moi nervioso, dedicándose a facer oposición ás nosas alcaldesas e alcaldes, á Deputación de Pontevedra e ao Goberno de España; e faino porque sabe que nós gobernamos con igualdade, sen mirar a cor política dos concellos, senón á cara da xente, un cambio que se nota especialmente na Deputación”.

    David Regades: “…nós gobernamos con igualdade, sen mirar a cor política dos concellos, senón á cara da xente, un cambio que se nota especialmente na Deputación”

    Regades fixo un chamamento ás case 3.000 persoas que militan no partido na provincia “para acordar e sumar sempre, sen restar a ninguén” nos procesos orgánicos que veñen. E neste senso destacou que os tres anos de mandato da actual Executiva Provincial estiveron presididos “pola busca constante da unión e o consenso”. A este respecto, o Comité Provincial serviu tamén para anunciar a incorporación á Executiva Provincial de Fini Silva.

    O secretario xeral pontevedrés aludiu tamén ao impulso das políticas industriais na provincia “que levan o ADN do PSdeG pontevedrés, como demostra a aprobación do primeiro “proxecto tractor” para o “vehículo conectado” ou o desbloqueo “despois de 20 anos co PP e Feijoo mirando para outro lado” da PLISAN. Ao respecto de ENCE incidiu na política de brazos cruzados da Xunta “cunha empresa que está en terreos prestados polo mar” e pendente dunha resolución xudicial e volveu remarcar que os intereses dos/as traballadores/as de ENCE nada teñen que ver cos de Feijoo.

    A presidenta da Deputación Carmela Silva reivindicou o traballo que fan as e os socialistas dende o poder institucional que lles outorga a cidadanía: “Sinto orgullo polo que temos feito pola transformación desta provincia en só seis anos, dende as Alcaldías e dende a Deputación; a esta provincia non hai quen a coñeza, sobre todo en comparación cos 40 anos de caciquismo absoluto do Partido Popular”. “As e os socialistas levamos a cabo transformacións, cando gobernamos, como ningún outro partido”.

    Silva engadiu que o PSdeG-PSOE é referencia de políticas de progreso “e ten un discurso propio e moi diferente ao dun Partido Popular e unha Xunta que ven a esta provincia como un territorio inimigo, en lugar de vela como o que é, o motor económico de Galicia”. Ademais, a presidenta da Deputación criticou o uso caciquil do Partido Popular da institución da Xunta de Galicia desviando investimentos públicos a concellos gobernados polo Partido Popular.

    A presidenta da Deputación tamén recibiu o apoio público de David Regades para expresarlle o cariño de todo partido tralos insultos machistas contra ela por parte do alcalde de Vilanova, Gonzalo Durán. Regades subliñou que Durán “é un home condenado e non pode seguir nin un minuto máis no cargo; ten que ir para casa” e criticou ao presidente da Xunta por darlle cobertura.

    O comité provincial concluíu coas intervencións do secretario xeral do PSdeG, Gonzalo Caballero, quen tamen apelou á necesidade da unión entre tódala militancia, respectando “os debates de argumentos”, e cos informes de actividade no Congreso dos Deputados, a cargo de Guillermo Meijón, e no Parlamento de Galicia, por Paloma Castro.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS