12.7 C
Pontevedra
Sábado, 23 de Outubro de 2021
Máis
    HomeÉ NoticiaO Apalpador inicia mañá, da man da Deputación, a súa xira de...

    O Apalpador inicia mañá, da man da Deputación, a súa xira de Nadal polos concellos da provincia

    Colexios de 36 municipios difundirán hoxe entre as e os seus escolares os vídeos gravados en contornas patrimoniais da provincia nos que inculca o amor pola lingua e a natureza e os bos hábitos alimentarios

    Ao berro de “Traio castañas asadas para os nenos e nenas que comen san!” o Apalpador, o seu compañeiro acordeonista, Servando Barreiro, e o seu burro Río Lor iniciarán mañá na Illa de Arousa, Cambados e Barro a súa xira de Nadal pola provincia da man da Deputación de Pontevedra. Esta tradicional figura do Nadal galego visitará ata o 31 de decembro 22 concellos da provincia realizando pasarrúas ao abeiro do programa ‘Nadal en galego’ do departamento de Lingua que dirixe a nacionalista María Ortega. Podes consultar toda a xira de Nadal do Apalpador na seguinte ligazón.

    A dinamización da lingua, o respecto ao medio ambiente, os hábitos de alimentación saudable e a igualdade, serán os valores que se pretenden fomentar coas actuación, levando a música, o baile e as anécdotas ás comarcas por sexto ano consecutivo, nesta ocasión nun formato diferente, o pasarrúas, por mor da Covid-19.

    As actuacións do Apalpador repartiranse entre mañá día 23 e o 31 de decembro –a excepción do día de Nadal- en diferentes horarios e localizacións, sempre ao aire libre e en movemento, para evitar aglomeracións de nenos e nenas. Na comarca de Pontevedra serán tres as visitas (Barro, Poio e Cerdedo-Cotobade), na comarca de Vigo outras catro (Soutomaior, Baiona, Gondomar, e O Porriño), na comarca do Salnés serán dúas (Illa de Arousa e Cambados), na comarca do Deza-Tabeirós dúas (Silleda e Rodeiro), tres na comarca do Condado Paradanta (As Neves, Covelo, e Ponteareas), catro na comarca do Morrazo (Bueu, Moaña, Cangas, e Vilaboa), e catro no Baixo Miño (Salceda, Tomiño, O Rosal, e Tui).

    O programa ‘Nadal en Galego’ tamén deseñado para fomentar o coñecemento da tradición de Nadal propia da Galiza e para que as e os máis novos poidan familiarizarse co mítica figura galega e coñecer a súa historia. Na orixe, ‘O Apalpador’ representábase como un carboeiro de barba vermella que baixaba das montañas ás vilas a noite do 24 ou o 31 de decembro para tocar o bandullo das crianzas e comprobar se comeran suficiente durante o ano, deixando ao seu carón agasallos e castañas e desexos de felicidade e comida.

    Vídeos para os colexios, na web e en redes sociais

    Dado que o número de visitas pola provincia reduciuse este ano en número por mor da COVID-19, ademais dos pasarrúas que realizará nos 22 concellos, o Apalpador tamén gravou 36 vídeos en localizacións naturais e contornas patrimoniais singulares e “marabillosas” da provincia para difundir entre os centros de ensino. Estes vídeos organizados polo departamento de Lingua da Deputación foron entregados aos concellos para que, á súa vez, os trasladasen aos colexios de Infantil e Primaria para proxectar no día de hoxe, no que tradicionalente a rapazada goza dun día de actividades lúdicas antes das festas. Os vídeos están tamén a disposición na páxina web da Deputación e serán difundidos a través das redes sociais provinciais.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS