17.9 C
Pontevedra
Mércores, 5 de Outubro de 2022
Máis
    HomeÉ NoticiaMedio centenar de rapazas solicitan as axudas da Deputación para ser adestradoras

    Medio centenar de rapazas solicitan as axudas da Deputación para ser adestradoras

    Son mulleres dunha vintena de concellos da provincia que buscan adestrar en disciplinas como o baloncesto, piragüismo, fútbol, natación, pádel, bádminton, fútbol sala, loita olímpica ou kickboxing

    Un total de 45 mulleres solicitaron as novas axudas da Deputación de Pontevedra para a súa formación como técnicas adestradoras na provincia, ás que a institución destina esta liña de apoio á igualdade no deporte cun orzamento de 15.000 euros nesta primeira convocatoria. A Deputación lanzou esta novidosa liña de achegas co principal obxectivo de fomentar o incremento de adestradoras nos equipos femininos e masculinos de base e de elite da provincia, e rachar deste xeito coa brecha de xénero existente como evidencian as actuais cifras de infrarrerepresentación feminina neste eido deportivo.

    As 45 solicitudes son de rapazas  dunha vintena de concellos da provincia, a maior parte de Vigo (7) e Ponteareas (7), aínda que destacan tamén as petición solicitadas por mozas de Pontevedra (4), Tui (4), Bueu (2), Marín (2), O Porriño (2), Ponte Caldelas (2), Tomiño (2) ou Soutomaior (2). Outras solicitudes son de veciñas de Moraña, Poio, Vilagarcía, Mondariz, Cangas, As Neves, Salceda, Covelo, Salvaterra e Moaña.

    No que atinxe ás modalidades deportivas, a maior parte foron peticións para cursos de formación para baloncesto e piragüismo, aínda que na relación tamén hai solicitudes  doutras especialidades como bádminton, pádel, fútbol, fútbol sala, natación, loita, kickboxing, montaña, patinaxe ou balonmán.

    Amais de paliar a escasa presenza feminina no ámbito do adestramento, a Deputación confía en que estas axudas, que terán continuidade nos vindeiros anos, poidan impulsar que no futuro un maior número de mulleres poidan asumir altos cargos de decisión en organizacións deportivas.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS