14.7 C
Pontevedra
Mércores, 5 de Outubro de 2022
Máis
    HomeÉ NoticiaExpertos subliñan a agrocompostaxe como unha das mellores ferramentas contra o cambio...

    Expertos subliñan a agrocompostaxe como unha das mellores ferramentas contra o cambio climático

    Persoas investigadoras das universidades Miguel Hernández de Alacant e da Universidade Pública de Navarra puxeron hoxe de relevo nas ‘Xornadas Revitaliza sobre agrocompostaxe’ a utilidade dos compost para mellorar a produtividade da terra e axudar a mitigar o cambio climático. Sobre esa base, salientaron a necesaria colaboración entre os concellos e o sector agrogandeiro a través da agrocompostaxe –unha iniciativa que pretende potenciar na provincia a Deputación a través do Revitaliza- xa que as dúas partes obteñen beneficios mutuos: uns dan un uso útil aos residuos urbanos que hoxe mandan a queimar e outros obteñen abonos e emendas orgánicas de calidade -moi escasas na actualidade- para os solos nos que queren producir.

    O profesor Inazio Irigoien, da Universidade de Navarra, fixo fincapé en que a Terra está a perder fertilidade e incluso desertizándose a pasos axigantados porque perde materia orgánica no solo, en concreto nas terras agrarias porque se utilizan de maneira maioritaria abonos químicos. Subliñou que o mellor método para protexer e rexenerar terreos que baixan en fertilidade é introducir de maneira periódica abonos orgánicos, con efectos positivos tanto a curto como a longo prazo.

    De maneira máis global, explicou outro beneficio de introducir materia orgánica na terra: o secuestro de CO2 da atmosfera. Puxo varios estudos sobre a mesa comparando a aplicación de abonos químicos e orgánicos e indicou que dado que as emendas orgánicas son as que máis carbono acumulan no solo, a aplicación de compost non só mellora a fertilidade, senón tamén o balance neto de emisión de gases de efecto invernadoiro.

    Como conclusión, Irigoien subliñou que a agricultura e a aplicación de materia orgánica ao solo “é das poucas ferramentas que existen para mitigar o cambio climático”. Lembrou que incluso a FAO destaca que o carbono que achegan os biorresiduos ao solo “é un tesouro”, polo que instou a desenvolver proxectos colaborativos e de simbiose entre as administracións e os axentes agrogandeiros para a xestión de biorresiduos urbanos.

    Na mesma liña se explicou a representante da Universidade Miguel Hernández de Alacant, Ana García Ráncez, que indicou que a “agrocompostaxe pode ser a forza motriz na mellora da xestión da biomasa non produtiva”. Formulou no debate incluso que reintegrar á terra os biorresiduos urbanos e municipais eliminaría da atmosfera máis CO2 que pasar todos os coches de combustión a eléctricos. “Serían medidas complementarias, mais aí vese a importancia de recuperar os biorresiduos”, apuntou.

    Tamén o especialista en residuos Ramón Plana subliñou que a día de hoxe existe unha “oportunidade” para desenvolver a agrocompostaxe e salientou varios aspectos chave para construír un modelo de compostaxe agrícola como o que pretende a Deputación: ter unha normativa clara para o modelo (como parece vai desenvolver en breve o Estado), formación técnica axeitada, supervisión e apoio técnico externo ás plantas, e garantías do servizo temporais e económicas.

    Pola súa banda, o asesor de residuos provincial Carlos Pérez abondou máis no anuncio que onte realizou o vicepresidente Mosquera de abrir unha liña de axudas provinciais para proxectos de agrocompostaxe na provincia. Indicou que haberá apoios tanto aos concellos que realicen unha boa recollida de biorresiduos, para que lle resulte máis barata a recollida selectiva que levar a incinerar, e por outra parte apoios ao sector agrogandeiro que se involucre na recepción e tratamento dos biorresiduos urbanos para xerar abonos orgánicos que despois poderán ser usados para fertilizar os seus campos.

    O resto das intervencións das Xornadas Revitaliza estiveron centradas en casos prácticos sobre agrocompostaxe sobre os que beberá o proxecto provincial, como o do Priorat en Barcelona, e tamén sobre a normativa que se está a aplicar noutros territorios, como en Navarra, onde está en marcha unha nova lexislación que fomenta a compostaxe a escala, aplica un Fondo de Residuos no que se grava mediante un imposto o verquido de residuos, e se fomenta unha tramitación sinxela e cuns requerimentos técnicos máis simples e fáciles de cara a utilizar o compost que se xera nas plantas de compostaxe no territorio próximo.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS