7.6 C
Pontevedra
Venres, 29 de Marzo de 2024
Máis
    HomeÉ NoticiaEstrea da escritora Inma López Silva na Escola de Letras da Deputación...

    Estrea da escritora Inma López Silva na Escola de Letras da Deputación e Galaxia

    Esta semana se inician os obradoiros literarios de iniciación e perfeccionamento que celebraranse de xeito telemático debido á situación derivada da pandemia

    A recoñecida escritora galega Inma López Silva impartirá desde este luns 2 de novembro dous novos cursos da Escola de Letras que a Deputación de Pontevedra puxo en marcha xunto á Editorial Galaxia. Trátase de dous obradoiros literarios, un de iniciación, e outro de perfeccionamento que terán oito sesións cada un deles entre novembro e decembro. As súas prazas están esgotadas e se celebrarán en formato telemático ante a actual situación derivada da pandemia da Covid-19.

    Máis polo miúdo, o curso literario de perfeccionamento desenvolveranse os días 2, 9, 16, 23 e 30 de novembro, entre as 19:30 e as 21:30 horas, e o 9, 14 e 21 de decembro no mesmo horario. Pola súa banda, o obradoiro literario de iniciación terá lugar o 3, 10, 17 e 24 de novembro e os días 1, 10, 15 e 22 de decembro.

    Inma López Silva (Santiago, 1978) é unha das novas narradoras galegas máis destacadas. En 2016 recibiu o Premio Insua dos Poetas en recoñecemento aos seus 20 anos de traxectoria literaria. Amais de escritora, destaca como crítica e investigadora teatral e é colaboradora habitual en numerosas publicacións. É profesora na Escola Superior de Arte Dramática de Vigo.

    A súa novela de debut, Neve en abril gañou o Premio Rúa Nova da Biblioteca Nova 33 de Santiago en 1996 e foi editada no 2005 por Galaxia como libro aberto a lectores de todas as idades. Outros traballos publicados son Rosas, corvos e cancións, Concubinas (Premio Xerais 2002) ou New York, New York (2007). Con Memoria de cidades sen luz obtivo o Premio Blanco Amor 2007, o premio AELG á mellor obra de narrativa 2008 e o galardón Arcebispo San Clemente á mellor novela en galego 2008.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.