7.9 C
Pontevedra
Venres, 29 de Marzo de 2024
Máis
    HomeÉ NoticiaEsta semana SmartPeme ofrece seis novos obradoiros online

    Esta semana SmartPeme ofrece seis novos obradoiros online

    A Deputación de Pontevedra, a través de SmartPeme, oferta esta semana seis novas accións formativas impartidas de xeito online, enmarcadas na carteira de obradoiros que se imparten de forma telemática. As accións tratarán temas como a cultura sostible e a responsabilidade social nos negocios, a dinamización das páxinas web, a iniciación na administración electrónica, novas redes sociais para a promoción turística, Instagram e o seu contido e a ciberseguiridade.

    Este martes 26 pola mañá, Laura Carrera, graduada en Publicidade e Relacións Públicas, será quen imparta o obradoiro “Impulsa a cultura sostible e a responsabilidade social no teu negocio l”, un taller para dar a coñecer a aplicación da RSC (Responsabilidade Social Corporativa) nas PEMES co fin de mellorar a súa contorna e percepción por parte dos seus clientes. Pola tarde, Adrián Fernández, Licenciado en Comunicación Audiovisual pola Universidade de Santiago de Compostela, amosará como manexar a ferramenta Google Web Stories que insire stories nas páxinas web competindo así coas redes sociais, isto será no curso “Dinamiza a túa páxina web con Google Web Stories”.

    O mércores 27, ofrécense dous novos talleres: o primeiro será “Primeiros pasos coa Administración Electrónica” conducido por José Luís Taboada, enxeñeiro informático con máis de 20 anos de experiencia. Nel tratará de dar a coñecer a obtención, utilización e aplicación de diversas ferramentas como o DNI electrónico e o certificado dixital e as súas vantaxes . O segundo “Novas redes sociais para a promoción turística; TikTok e Twich”. Sonia Torres, con posgrao en Xestión e Dirección de Empresas Turísticas, falará sobre estas dúas potenciais redes que permiten conectar e interactuar aos usuarios de ditas plataformas. Finalmente, o xoves 28, terán lugar os últimos obradoiros do mes. No primeiro,  o Experto Universitario en Robótica, Programación e Impresión 3D, Manuel Freire, impartirá “Ciberseguiridade, contramedidas básicas II” complementando o taller da semana anterior. Este terá o dobre obxectivo de concienciar ao usuarios sobre riscos de usar a Internet e exporalle contramedidas básicas para estar máis protexidos nas súas navegacións. No segundo, “Instagram e o seu contido visual” Lara Taboada, titulada superior en Ensinos Artísticos de Deseño Gráfico, fará un repaso por todas as opcións de contido visual que Instagram e, tamén, pola importancia da identidade visual nas publicacións das nosas redes.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.