18.6 C
Pontevedra
Venres, 19 de Agosto de 2022
Máis
    HomeÉ NoticiaEsgotadas as prazas para a ruta ornitolóxica 'Voando nas Rías Baixas' pola...

    Esgotadas as prazas para a ruta ornitolóxica ‘Voando nas Rías Baixas’ pola serra do Suído

    O roteiro guiado da Deputación de Pontevedra e SeoBirdLife desenvolverase este domingo, 6 de setembro, e será o último desta edición do programa

    O programa de rutas ornitolóxicas ‘Voando nas Rías Baixas’, que a Deputación de Pontevedra desenvolve en colaboración con SEO Birdlife, segue colleitando éxitos tras esgotarse en apenas 24 horas as quince prazas dispoñibles para o súa quinta e última saída desta edición, que conta tamén cunha lista de agarda doutras vinte persoas. A ruta levarase a cabo este próximo domingo, 6 de setembro, e achegará ás persoas participantes ata a Serra do Suído, que se estende polos concellos da Lama, Fornelos de Montes e Covelo.

    A Serra do Suído é un sistema montañoso que non deixa indiferente a quen a visita. Cun alto valor ecolóxico, esta serra pontevedresa é famosa pola presenza de exemplares de lobo ibérico e de aves rapaces, coma o voitre leonado, a aguia calzada ou o miñato. Amais, sobre as pendentes de monte baixo as persoas participantes tamén poderán contemplar o voo da tartaña cincenta e a gatafornela. A Serra caracterízase polos altiplanos nos que abundan as queirogas, toxos e carqueixas e as súas partes baixas teñen fermosos vales e cursos de auga, que discorren entre bosques autóctonos ben conservados.

    Estas rutas están a realizarse seguindo protocolos de seguridade e hixiene para facer fronte á crise xerada pola Covid-19. Deste xeito, foi reducido o aforo de 25 a 15 participantes e establécense diferentes normas para os inscritos que inclúen o distanciamento interpersoal ou a limpeza e hixiene (deberán levar máscaras e xel hidroalcólico). A Deputación pon a disposición das persoas participantes buses desde Pontevedra, co punto de encontro no Pavillón de Deportes ás 9 horas. No caso de que se despracen polos seus propios medios, este punto de encontro situarase na Praza do Concello da Lama, ás 10 horas.

    Esta é a derradeira das rutas programadas nesta terceira edición de ‘Voando nas Rías Baixas’, que neste 2020 pasou pola Enseada de San Simón, o Complexo Intermareal Umia-O Grove, o Esteiro do río Miño e as Brañas de Xestoso. O programa está enmarcado no seo das propostas lanzadas ao abeiro do Plan Estratéxico de Turismo para sensibilizar á poboación, internacionalizar e desestacionalizar o destino provincia de Pontevedra. Con el, a Deputación de Pontevedra aposta pola promoción do turismo ornitolóxico, un turismo sostible e respectuoso co medio.

    COLABORACIÓNS

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Galicia

    Onte, 25 de xullo, celebrouse na nosa comunidade o día da patria galega, polo que esta publicación vai adicala a ela. Este día festéxase oficialmente dende 1979, ainda que a orixe desta celebración remóntase a 1919.

    Un tour por Marruecos

    He estado un poco desaparecida, pero aquí estoy de nuevo 🙂 En mayo viajé junto con cuatro amigas a Marruecos, hicimos una escapada durante el puente de las Letras Galegas. Fue breve, pero intensa. Nos dió tiempo a aprovechar muy bien esos cinco días y a conocer un trocito de ese país tan especial.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    67 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS