20.5 C
Pontevedra
Sábado, 18 de Setembro de 2021
Máis
    HomeÉ NoticiaCarmela Silva invita a Feijóo a que "por unha vez goberne para...

    Carmela Silva invita a Feijóo a que “por unha vez goberne para todas as galegas e galegos”

    A presidenta reclama “rebaixas de verdade e non ridiculeces nas autopistas galegas, un 13 % máis no exiguo financiamento local e convenios e subvencións “para tódolos concellos e non só para os que goberna o PP”

    A Deputación de Pontevedra chegará “ata onde teña que chegar” para defender ao mundo local contra “o atraco” que pretende perpetrar a Xunta de Galicia co anteproxecto da ‘Lei para a mellora da xestión do ciclo integral da Auga de Galicia’ que trata de obrigar aos concellos e deputacións a asumir dous terzos dos custes das grandes infraestruturas hidráulicas en materia de saneamento e abastecemento “en alta”. A presidenta, Carmela Silva, anunciou hoxe batalla xudicial contra “unha tropelía coa que, novamente, a Xunta invita e o municipalismo paga”.

    A presidenta contextualizou esta nova ofensiva da Xunta para seguir asfixiando aos concellos xusto nun momento no que o Goberno de España vén de aprobar rebaixas históricas na AP9, de condonar aos concellos a débeda derivada dos anticipos do Estado (que de non terse condonado deberían reintegrar en 2022), de devolver o IVE de decembro de 2017 “que nos birlaron Montoro e Rajoy” e, finalmente, de aprobar un 13 % no financiamento municipal para o ano 2022. Medidas todas elas a prol do mundo local e que van contribuír á reactivación económica.

    Carmela Silva fixo un chamamento ao presidente do Goberno galego, Núñez Feijoo, para que no Consello da Xunta do próximo xoves “goberne, dunha vez, para tódalas galegas e galegos facendo política de verdade”. Así esixiulle que aprobe rebaixas para as autoestradas galegas idénticas as postas en marcha polo Goberno central, “e que non veña coa ridiculez esa das rebaixas só para as familias numerosas, senón para toda a veciñanza”.

    Ademais, esixiulle que, en liña co incremento no financiamento municipal estatal, a Xunta incremente tamén nun 13 % o Fondo de Cooperación Local. Deseguido reclamou que os máis de 60 millóns de euros que a Xunta recada anualmente polo canon da auga se repartan “con criterios obxectivos e non exclusivamente para obras nos concellos do PP”. Para rematar instouno a asinar convenios para financiar actuacións e non só naqueles con Alcaldía “popular”. Neste senso, referiuse aos recentes convenios para o Auditorio de Marín ou as novas sendas peonís de Vilanova de Arousa. Finalmente, invitou a Núñez Feijoo a repartir as subvencións autonómicas con criterios “moito máis obxectivos” para que cheguen equitativamente a tódolos concellos.

    Carmela Silva fixo estas declaracións despois de que a Xunta de Goberno da Deputación aprobase un novo paquete de obras do Plan Concellos e da área de Infraestruturas, que supoñen “nin máis nin menos que outros 733.700 euros” para novas redes de saneamento, desta volta en Valga, Mos, Pazos de Borbén, Vilanova de Arousa e Ribadumia. A presidenta subliñou que nos seis anos deste Goberno provincial lévanse investidos 23 millóns de euros en abastecemento e saneamento en tódolos concellos da provincia, cun total de 284 obras financiadas pola Deputación con criterios obxectivos e atendendo a tódolos concellos.

    Á luz destas cifras, amosouse sorprendida de que o grupo provincial do Partido Popular teña presentado unha moción ao Pleno ordinario da Deputación, celebrado hoxe, para reclamar da Deputación un plan extraordinario para financiar este tipo de obras. “O PP provincial é a voz que encubre o comportamento institucional máis intolerable da Xunta. Permítanme que, coa retranca das galegas e galegos, responda a esta moción ridícula e intolerable dicindo que nunca vin unha oposición tan innecesaria como esta”.

    COLABORACIÓNS

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Illote Areoso, paraíso natural

    Último domingo del mes de agosto y aquí estoy de nuevo para compartir con vosotros un pedacito de mis aventuras. Hoy os dejo un planazo sin salir de la provincia de Pontevedra: una visita al Illote Areoso.

    Peregrinos xacobeos na cidade de Tui (XIII). O nobre polaco, Xacobe Sobieski de Janina en 1611

    Nos capítulos que vimos recollendo nesta sección sobre peregrinos xacobeos que deixan referencía á cidade de Tui nos seus relatos ou diarios nos que recollen a súa experiencia, abordamos hoxe a figura doutro peregrino chegado dende terras ben afastadas. Trátase dun nobre polaco, Xacobe (Jakub) Sobieski de Janina, foi...

    Colaboradores

    Alberto Aliaga Sola
    11 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS