13.9 C
Pontevedra
Sábado, 22 de Xuño de 2024
Máis
    HomeÉ NoticiaCarlos Font acusa á Xunta de "ocultar datos relevantes para facer...

    Carlos Font acusa á Xunta de “ocultar datos relevantes para facer crer que o turismo non vai ben”

    O deputado provincial Carlos Font cualificou hoxe de “incomprensible” a actitude da Xunta de Galicia “que despois de faltar a verdade sobre o tirón turístico da provincia de Pontevedra, ofrecendo datos parciais e ocultando os que realmente son relevantes do primeiro semestre do ano, por enriba pretenda atacar á Deputación cando somos a institución que coincide plenamente coa información do INE en canto a número de pernoctacións e días de aloxamento”.

    Font retou ao Conselleiro de Turismo a que demostre o que dixo, “e a que demostre que o que nós dixemos non sexa rigorosamente certo. Que diga se non é verdade que a cidade de Vigo aumento un 17,49% o número de pernoctacións de xaneiro a xuño de 2019, dato que xa demostramos que a Xunta ocultou”.

    Tamén instou ao goberno galego “a que ensine os datos da cidade de Pontevedra. Non pode facelo porque ocultan e menten”, dixo. Carlos Font sinalou que “é vergoñento que nos acusen de confrontar. Confrontación é vir á provincia de Pontevedra a dar datos parciais e ocultar os verdadeiramente importantes.

    Entendemos que estean molestos, dixo, porque quedou claro quen falta á verdade e quen a di. O que dicimos desde a Deputación de Pontevedra é verificable: aumento de pernoctacións e de días de aloxamento. A resposta da Xunta é descualificar para tentar xustificarse pero sen dar datos que avalen os seus ataques”

    Carlos Font rematou insistindo cos datos do INE. “Que diga o Conselleiro se algún dos datos que se deron desde a Deputación non son os que publica o INE, datos que pode cotexar calquera. Non teñen resposta”. O deputado lamentou o dano que a Xunta de Galicia pode causar.

    “O sector turístico e as administracións locais están a facer un traballo extraordinario e non merecen que a Xunta veña a dar roldas de prensa tentando facer crer que o turismo non vai ben. O turismo vai extraordinariamente ben en Rias Baixas e sábeno”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.