14.5 C
Pontevedra
Domingo, 19 de Setembro de 2021
Máis
    HomeÉ NoticiaAreeiro segue alertando sobre os patóxenos favorecidos pola humidade en froiteiras e...

    Areeiro segue alertando sobre os patóxenos favorecidos pola humidade en froiteiras e plantas hortícolas

    O centro dependente da Deputación de Pontevedra lanza un novo aviso fitosanitario referido a kiwis, maceiras, marmeleiros, froiteiras de óso, cítricos, plantas de horta, buxos e camelias

    Despois das recomendacións desta semana sobre as viñas, a Estación Fitopatolóxica Areeiro, centro dependente da Deputación de Pontevedra, vén de lanzar un novo aviso fitosanitario relativo a diferentes froiteiras e plantas hortícolas. Principalmente os avisos e recomendacións que traslada a institución provincial, afectan a kiwis, maceiras, marmeleiros, froiteiras de óso, cítricos, plantas de horta, buxos e camelias.

    Deste xeito, no que atinxe ao kiwi, as precipitacións e temperaturas máximas máis baixas que se rexistrarán estes días continuarán a xerar condicións favorables ás bacterioses, polo que haberá que continuar coas aplicacións de cobre ou Bacillus subtilis . Pola súa banda, no caso da maceira, as condicións meteorolóxicas previstas tamén favorecen ao patóxeno causante do moteado, polo que cómpre facer revisións periódicas na procura de síntomas.

    O aviso da EFA refírese tamén nesta ocasión ao marmeleiro, onde comezaron a observarse claramente os síntomas da Entomosporium macculatum. De non controlala, esta patoloxía pode provocar unha defoliación prematura das árbores que dificulta a madureza dos marmelos. De momento en ningún caso se observaron danos, pero Areeiro suxire permanecer alerta ante a proximidade dun novo período de choivas.

    En canto ás froiteiras de óso, apreciouse a aparición en árbores de diferentes predios dalgunhas enfermidades fúnxicas pola presenza de varios patóxenos. Dado que está previsto que volvan as choivas, é de esperar que continúen avanzando estes patóxenos, polo que a EFA sinala que é conveniente tratar con funxicidas que non se laven ca choiva no caso de que xa haxa danos de gravidade.

    No que atinxe aos cítricos, que nesta época están en brotación, favorecida pola climatoloxía actual, a Estación Fitopatolóxica apunta que os brotes tenros favorecen a aparición de insectos chupadores como a psila africana (Trioza erytreae), as moscas brancas, pulgóns ou cochinillas. Neste senso, a EFA sinala que se a presenza de gromos afectados é aínda escasa, situación máis frecuente nestes momentos, unha boa medida de contención é ir eliminándoos e destruíndoos. Tamén a instalación de trampas engomadas amarelas nos bordos de onde hai cítricos contribúe a reducir os adultos que poden chegar a eles.

    A citada climatoloxía está a provocar xa danos importantes nalgunhas plantas de horta, desde todo tipo de verduras ata cebolas, pementos ou patacas, por caracois e babosas. Nestes casos, ademais dos remedios naturais e mecánicos que se poidan estar adoptando, Areeiro subliña que está xustificado o uso dalgún produto a base dunha das dúas únicas materias activas autorizadas fronte a estes animais: fosfato férrico ou metaldehido. Amais, recomenda non esquecer o mantemento da protección das plantas fronte aos diversos fungos que lles poden afectar para evitar os danos á colleita que poden producir debido ás precipitacións desta primavera.

    Tamén suxire non descoidar a vixilancia da Cydalima perspectalis no caso do buxo, porque as eirugas desta especie fan niños nos que se agochan. Nas fincas visitadas esta semana, observouse unha nova sebe moi sombría onde aínda quedaban eirugas alimentándose e causando danos, cando o máis habitual nas plantas controladas é a presenza de crisálides.

    Por último, o aviso da EFA refírese á camelia. Areeiro detectou a presenza cada vez máis notoria de brotes e sinala que nesta época débese eliminar o ápice e as últimas follas das plantas para controlar o seu desenvolvemento. Con esta práctica elimínase tamén parte das follas onde se están a situar as colonias dos pulgóns. Porén, se son demasiados brotes os afectados non será suficiente con esta operación e neste caso Areeiro apunta que pode ser preciso aplicar un tratamento para evitar danos.

    Hai que lembrar que mentres permaneza o estado de alarma decretado polo COVID-19, a EFA reduce os percorridos polos cultivos da provincia fronte ao que é a rede de seguimento habitual, que está formada polas parcelas de seguimento da propia Estación Fitopatolóxica, outras fincas visitadas e os datos aportados por técnicos e viticultores.

    COLABORACIÓNS

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Illote Areoso, paraíso natural

    Último domingo del mes de agosto y aquí estoy de nuevo para compartir con vosotros un pedacito de mis aventuras. Hoy os dejo un planazo sin salir de la provincia de Pontevedra: una visita al Illote Areoso.

    Peregrinos xacobeos na cidade de Tui (XIII). O nobre polaco, Xacobe Sobieski de Janina en 1611

    Nos capítulos que vimos recollendo nesta sección sobre peregrinos xacobeos que deixan referencía á cidade de Tui nos seus relatos ou diarios nos que recollen a súa experiencia, abordamos hoxe a figura doutro peregrino chegado dende terras ben afastadas. Trátase dun nobre polaco, Xacobe (Jakub) Sobieski de Janina, foi...

    Colaboradores

    Alberto Aliaga Sola
    11 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS