19.5 C
Pontevedra
Luns, 15 de Xullo de 2024
Máis
    HomeÉ NoticiaAreeiro recomenda realizar un tratamento preventivo contra o mildio nas viñas

    Areeiro recomenda realizar un tratamento preventivo contra o mildio nas viñas

    O centro da Deputación lanzou un novo aviso fitosanitario no que alerta da necesidade de adoptar medidas contra esta enfermidade debido ás condicións meteorolóxicas

    A Estación Fitopatolóxica Areeiro, centro dependente da Deputación de Pontevedra, vén de lanzar un novo aviso fitosanitario no que recomenda a aplicación dun tratamento preventivo nas viñas contra o mildio, ante  as condicións meteorolóxicas previstas para as vindeiras xornadas.

    O persoal técnico do centro incidiu en que aínda que as temperaturas das dúas últimas noites non foron compatibles co mildio, e a pesar de non ter atopado ningunha mancha nas viñas nas que se están a realizar revisións, é recomendable realizar un tratamento preventivo fronte a esta enfermidade. A previsión da maioría das axencias meteorolóxicas contempla a posibilidade de que as choivas previstas a partir deste martes se estendan durante algúns días, o que podería favorecer o desenvolvemento da citada patoloxía.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.