14 C
Pontevedra
Sábado, 15 de Maio de 2021
Máis
    HomeÉ NoticiaAdxudicadas as cinco primeiras parcelas de solo empresarial da Plisan

    Adxudicadas as cinco primeiras parcelas de solo empresarial da Plisan

    A conselleira de Medio Ambiente, Territorio e Vivenda, Ángeles Vázquez, e o conselleiro de Economía, Emprego e Industria, Francisco Conde, presidiron esta mañá o acto de formalización do contrato coas tres empresas beneficiarias

    O asentamento das primeiras empresas na Plataforma Loxística e Empresarial de Salvaterra-As Neves está xa un pouco máis cerca. A conselleira de Medio Ambiente, Territorio e Vivenda, Ángeles Vázquez, e o conselleiro de Economía, Emprego e Industria, Francisco Conde, presidiron esta mañá en Vigo o acto de sinatura da adxudicación de cinco parcelas na Plisan, as primeiras que se asignan dentro desta gran área empresarial.

    Dos case 69.000 metros cadrados adxudicados hoxe, preto de 63.000, correspondentes a tres parcelas distintas, foron asignados á conserveira Hijos de Carlos Albo; outros 3.325 metros correspondéronlle á empresa Vallejo Low Cost; e os 2.570 restantes, ao Grupo Tecnológico Arbinova. En todos os casos, a superficie foi adxudicada en dereito de superficie, unha modalidade que lle permite aos beneficiarios acceder a solo empresarial pagando cada ano unha pequena cantidade e lles facilita así o financiamento do proceso de instalación e inicio da actividade.

    O dereito de superficie concédese por un período inicial de 30 anos, aínda que pode estenderse ata un máximo de 60 mediante sucesivas prórrogas. Durante a súa vixencia, as empresas terán que abonar un canon anual equivalente ao 1,5 por cento do prezo da parcela durante os dous primeiros anos, do 2,5 por cento no terceiro e cuarto anos e do 3,5 por certo do prezo a partir da quinta anualidade. Outra das vantaxes para as empresas que acceden a unha parcela en dereito de superficie é que, se o desexan, tamén poden adquirir a súa propiedade, aínda que o prezo de venda variará dependendo do momento en que se faga a adquisición.

    Coa formalización destas adxudicacións, como lembrou a conselleira Ángeles Vázquez, dáselle un pulo definitivo á Plisan, un proxecto empresarial estratéxico para o sur da comunidade que continúa avanzando co fin de “facer crecer o emprego e a industria galega” arredor da cidade de Vigo. Nesta liña, subliñou a gran oportunidade que supón esta nova plataforma empresarial para o conxunto de Galicia e por iso insistiu en que a Xunta seguirá traballando arreo, como fixo ata o de agora, para que se poida iniciar canto antes o asentamento empresarial nesta zona.

    Así, lembrou que nestes momentos a Xunta está executando na Plisan as obras de urbanización da primeira fase da zona Loxístico Empresarial (LE), da estación depuradora de augas residuais (EDAR) e da estación de tratamento de auga potable (ETAP) e acaban de licitarse as obras de urbanización da segunda fase da LE, na que, precisamente, se emprazan parte das parcelas adxudicadas.

    Pola súa banda, o conselleiro de Economía, Francisco Conde, destacou que a Plisan está chamada a convertese no maior parque empresarial do noroeste peninsular, o que permitirá garantir a competitividade do tecido empresarial galego. Así, será un reclamo para atraer grandes proxectos empresariais xa que as adxudicacións representan, nestes momentos, o 20% da superficie total dispoñible.

    Entre as empresas que se instalarán, puxo como exemplo a aposta de Albo –un referente na industria conserveira, propiedade da chinesa Shangai Kaichuang– que investirá 25 millóns de euros nas súas instalacións na Plisan permitindo reforzar os lazos comerciais de China e Galicia.

    Conde tamén se referiu á Lei de implantación empresarial, impulsada pola Xunta, que está permitindo a chegada de novas empresas grazas ás facilidades que ofrece para acceder ao solo empresarial, pero tamén para axilizar a tramitación e obter bonificacións fiscais. Neste sentido, avogou pola colaboración municipal sumándose á iniciativa dos Concellos Emprendedores.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS