14.8 C
Pontevedra
Xoves, 19 de Maio de 2022
Máis
    HomeÉ NoticiaA Xunta de Galicia convocará 1.604 prazas nas oposicións de ensino 2021

    A Xunta de Galicia convocará 1.604 prazas nas oposicións de ensino 2021

    O 85% das prazas convocadas serán de novo ingreso

    A Xunta de Galicia publicará neste 2021 unha oferta de emprego público cun total de 1.604 prazas no ensino, das que máis do 85% –en concreto 1.372 prazas– serán de novo ingreso. Así llo transmitiu o director xeral de Centros e Recursos Humanos, Jesús Álvarez Bértolo, ás organizacións sindicais na Mesa Sectorial Docente non Universitaria.

    Deste xeito, a Consellería de Cultura, Educación e Universidade compromete un total de 5.498 prazas para educación entre  as ofertas de 2020 e 2021. As probas da oferta de 2021 desenvolveranse no ano 2022, dado que neste ano se realizarán as que non se puideron facer no 2020 por mor da pandemia. 

    Tal e como explicou o director xeral, está previsto que a oferta de emprego público docente correspondente a 2021 inclúa prazas nos corpos de mestres, profesores de ensino secundario, de escolas oficiais de idiomas, de artes plástica e deseño.

    Renovación de directores

    Na mesa sectorial celebrada esta mañá tamén se analizou a orde pola que se e convoca concurso de méritos para a selección e o nomeamento da dirección dos centros docentes públicos, a través da que está previsto renovar a dirección de 436 colexios e institutos.

    Así mesmo, abordouse o texto do anteproxecto de decreto polo que se regula a selección, nomeamento e cesamento das direccións dos centros docentes públicos, conforme ás novas especificacións da LOMLOE.

    Exames recuperación

    Por outra banda, a mesa sectorial continuará mañá coa proposta de cambio no calendario escolar para modificar no curso 2021/2022 as datas dos exames de recuperación do alumnado de Educación Secundaria Obrigatoria (ESO), 1º de Bacharelato e 1º de FP Básica e realizalos no mes de xuño, na liña do que se vén facendo en 2º de Bacharelato desde o curso 2018/2019, e en numerosas comunidades autónomas.

    En concreto, o borrador do calendario escolar do curso 2021/2022 prevé que o alumnado de ESO, Bacharelato e primeiro curso de FP Básica realice as probas de recuperación entre o 17 e o 21 de xuño de 2022. Este curso 2020/2021 aínda non haberá modificacións e desenvolverase seguindo o sistema previsto.

    O obxectivo deste cambio é, fundamentalmente, beneficiar o alumnado, que poderá realizar os exames de recuperación cos contidos máis recentes, con maior posibilidade de aprobar. Así mesmo, isto facilitará a organización do curso seguinte tanto aos docentes, como aos centros e ás familias.

    Con este adianto, está previsto que o curso 2022/2023 poida iniciarse antes que en anos anteriores en todas as etapas, o que facilitará a conciliación da vida laboral das familias.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS