11.5 C
Pontevedra
Venres, 9 de Decembro de 2022
Máis
    HomeÉ NoticiaA exposición do Museo de Pontevedra ‘Ruth Matilda Anderson. Unha viaxe pola...

    A exposición do Museo de Pontevedra ‘Ruth Matilda Anderson. Unha viaxe pola indumentaria tradicional de Galicia’, un éxito

    A exposición ‘Ruth Matilda Anderson. Unha viaxe pola indumentaria tradicional de Galicia’ pechou onte as súas portas converténdose na máis visitada no Museo desde o ano 2016. Un total de 14.402 persoas visitaron a mostra organizada polo Museo de Pontevedra en colaboración coa Hispanic Society de Nova York e comisariada pola pontevedresa Asociación Etnográfica Sete Espadelas.

    O volume de visitas foi constante durante o tempo que estivo aberto, entre o 6 de agosto e o 16 de outubro: 5.654 visitantes en agosto, 4.350 en setembro e 4.398 en outubro. Con estas cifras de visitas, esta exposición superou ás que eran ata agora as de maior éxito de público dos últimos anos: ‘Galaicos. Un pobo entre dous mundos’ (2019-2022), con 13.182 visitantes, ‘Leopoldo Nóvoa 1919-2019’ (2020) con 12.117 visitantes e ‘Origami, de papel a obra de arte’ (2021-2022) con 12.214 visitantes.

    O éxito de público chegou tamén ás visitas guiadas: 1.825 persoas participaron nas visitas,  entre elas 1.009 persoas de grupos escolares de diferentes niveis educativos. Ademais, esgotáronse todos os exemplares do catálogo, do que houbo que facer dúas impresións.

    Con máis de 75 traxes, a mostra reproducía cada unha das vestimentas fotografadas por Ruth Matilda Anderson na súas viaxes a Galicia entre 1924 e 1926 por encargo da Hispanic Society de Nova York. Unha experiencia que permitiu ao público visitante coñecer a Galicia dos anos 20 a través da lente da súa cámara e as anotacións do seu “caderno de bitácora”.

    A exposición foi froito de cinco anos de estudo, busca, análise e recuperación na que Sete Espadelas amosa unha compilación de vestimentas que forma parte dos fondos da súa colección para reproducir as fotografías de Ruth Matilda Anderson. Este proxecto superou as 1.000 prendas expostas, unha gran parte delas antigas ou reproducidas a partir de patróns e tecidos antigos acompañadas de ferramentas de traballo orixinais da época e de incalculable valor etnográfico.

    COLABORACIÓNS

    Nazaret López, «Pecados veniais»

    Ás veces non resulta doado establecer o punto no que se sitúa a liña feble que separa uns xéneros literarios de outros. É coma participar nunha especie de xogo no que os autores rachan as barreiras establecidas e descolocan ao lector, quizais para provocar unha lectura diferente do texto que presentan.

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    74 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS