13.6 C
Pontevedra
Domingo, 9 de Maio de 2021
Máis
    HomeÉ NoticiaA exposición das 'Nadaliñas' de Figueira Valverde arranca a celebración das festas...

    A exposición das ‘Nadaliñas’ de Figueira Valverde arranca a celebración das festas no Museo

    A exposición coincide coa incorporación da palabra ‘nadaliña’ no diccionario da RAG

    Nadais enviados a Filgueira Valverde por parte de persoeiros de diferentes ámbitos da cultura de todo o país, artistas ou intelectuais como Maruja Mallo, Lugrís, Seoane, Colmeiro, Díaz Pardo, Cunqueiro, Celso Emilio Ferreiro, Dalí, ou Mingote, son algúns dos que se poden atopar na mostra ‘Nadais. Colección Filgueira Valverde’ que permanecerá aberta ata o 24 de xaneiro no Museo de Pontevedra.

    Segundo explicou o director do Museo Xosé Manuel Rey no acto de apertura, “cando se programou esta mostra resultaba imposible imaxinar todo o que ía acontecer, que teríamos unha vida sen relacións, un Nadal sen familia e amigos… Por iso, nesta distopía na que nos atopamos adquire máis sentido esta exposición coa que rememoramos antigas costumes que, aínda que mudaron co tempo pasando do papel ao formato dixital, da postal ao WhatsApp, mantéñense vivas hoxe en día”.

    Os máis de 80 nadais que se poden ver na sala do Sexto Edificio “son testemuñas dunha vida que esperamos retomar o antes posible, repleta de afectos, esperanzas, e bos desexos” e son tan só unha escolma dos case 9.000 que conforman a colección privada de nadaliñas que reuniu ao longo da súa vida unha personalidade tan ligada ao Museo como é Filgueira Valverde. “Son postais que constitúen pequenas xoias, xa que moitas delas conteñen debuxos, textos ou poemas orixinais que permiten rememorar pequenos fragmentos de vida”, subliñou. 

    Esta exposición, destacou Rey, coincide tamén cun “feliz” acontecemento: ‘Nadaliña’, unha palabra que Filgueira Valverde empregou de xeito sistemático, e que creceu de maneira espontánea, forma xa parte do galego correcto, pois hai uns días o Seminario de Lexicografía da Real Academia Galega acordou introducila no seu dicionario como substantivo feminino e con dous valores: como “canto de Nadal, e como felicitación ou mensaxe de afecto que nas proximidades do Nadal se manda por correo postal ou electrónico, con texto, imaxes e, por veces, con música”.

    Rey aproveitou a súa intervención para agradecerlle á comisaria da exposición, Sabela Santos Filgueira, neta de Filgueira Valverde e traballadora do Museo “o seu interese para que esta exposición vise a luz. O seu magnífico traballo engade carga emotiva a esta mostra que esperamos axude a normalizar este Nadal atípico”.

    Sabela Santos, pola súa parte, agradeceu o traballo realizado pola equipa de persoal do Museo de Pontevedra. Destacou que o periplo de poñer en marcha a exposición comezou hai preto dun ano cando a súa tía lle cedeu a colección de nadais: “Non sabía que facer con ela e cando falei co director do Museo a idea estivo clara: unha exposición”.

    Santos Filgueira destacou que os máis de 9.000 nadais ou nadaliñas recibidas polo seu avó “demostran o afecto que había a Filgueira Valverde”, subliñando a constancia nos envíos dalgúns persoeiros como Isaac Díaz Pardo, con máis de 30 anos consecutivos de postais. Por outra parte, a comisaria tamén agradeceu a colaboración de Xesús Ferro Ruibal, Xesús Alonso Montero e Juan Manuel Monterroso, pola súa participación no catálogo da mostra, facendo das postais unha análise digna dun xénero artístico propio. Para pechar o evento, Santos Filgueira utilizou as verbas que o propio Filgueira Valverde utilizaba para felicitar as festas “Nadal saudoso e que veña mellor 2021”.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS