10 C
Pontevedra
Venres, 1 de Marzo de 2024
Máis
    HomeÉ NoticiaA evolución das células e os tumores pechan o IV Ciclo de...

    A evolución das células e os tumores pechan o IV Ciclo de Conferencias Aida Fernández Ríos

    “A evolución das nosas células e por que se producen os tumores” é o título do seminario web do Ciclo de Conferencias Aida Fernández Ríos que promoven a Deputación de Pontevedra e a Real Academia Galega de Ciencias (RAGC) e que impartirá o vindeiro xoves 15 de xuño David Posada González, catedrático de Xenética do Centro de Investigacións Biomédicas (CINBIO) da Universidade de Vigo. Con este webinario, que terá lugar ás 19 horas e para o que está aberto a inscrición en www.depo.gal, péchanse as conferencias abertas á cidadanía en xeral desta edición do programa.

    Posada afondará no corpo humano, resultado de múltiples rondas de replicación a partir dunha única célula inicial. Explicará que durante o desenvolvemento as persoas humanas acumulan millóns de mutacións a medida que as células se dividen e diferencian. Tamén que durante este proceso, algunhas das mutacións alteran a función de xenes fundamentais que controlan a proliferación, a diferenciación e a morte celular, o que orixina unha multiplicación anómala tumoral que ocasiona o cancro. O catedrático informará sobre a evolución dos tumores dentro do corpo, similar ás poboacións de organismos naturais para competir polos recursos e adaptarse ao medio que lles rodea, e detallará de que xeito o estudo evolutivo do cancro ten axudado a entender mellor e a combater a enfermidade.

    Co Ciclo de Conferencias Aida Fernández Ríos, a institución provincial e a RAGC convidan a cidadanía a achegarse ás ciencias e ás aplicacións do coñecemento científico á sociedade como axudante do desenvolvemento socioeconómico. O programa abrangue un total de 13 conferencias, por unha banda oito webinarios dirixidos á cidadanía en xeral que se pechan este xoves e, pola outra, cinco conferencias presenciais en centros educativos, das que xa se celebraron dúas, nos IES Illa de Ons (Bueu) e María Soliño (Cangas), tratando temas como a seguridade alimentaria, as enerxías renovables, as comunicacións cuánticas, as aplicacións da intelixencia artificial, o Big Data e a xenómica.

    LIBROS

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.

    Fran Fernández Davila, «Groenlandia»

    A Fran Fernández Davila gústalle sorprender cos seus traballos literarios, descolocar ao lector para levalo por paisaxes pouco transitadas física e emocionalmente, escapar da rutina diaria e, cunha forte carga de imaxinación, argallar historias nas que a intriga e o humor acaban por se converter en personaxes convidadas da trama.